Qaranlıq çökmüş gözlərimlə səmaya baxdım, həyatı və ölümü verən Allahı axtarıb tapmaq istədim və ürəyimdən onun gözlərinin içinə baxmaq keçdi.
Bazı hikâyeler tam tahmin ettiğin gibi ilerler. Bazılarıysa son sayfada tüm bildiklerini sorgulatır. 🤯
Ters köşeleri seviyorsan, seni sonuna kadar merakta bırakacak 3 kitap önerisini keşfetmeye hazır ol!
Biz isə bütün əbədi illüziyalarla bağlanırıq, guya hər şey nə vaxtsa yoluna düşəcək kimi axmaq bir ümidlə nəyisə gözləyirik. Heç nə heç vaxt dəyişmir. İnsanlar öz həyatlarının başına elə oyun açırlar ki, bişmiş toyuğun da gülməyi gəlir.
Müxtəlif düşüncələrin bir birinə qarışmasından həmişə zəhləm gedərdi. Mən adamların fil yükü altında qalan əzablı simalarının incəsənət əsəri qarşısında dəyişməsinə, sevgiylə dolu yalançı baxışlara, qoyun səadətinə, öz çərçivəsindən heç vaxt çıxa bilməyən yalançı kübarlığa, sevgini görüntüylə əvəzləyən riyakarlığa nifrət edirdim. Mənə elə gəlirdi ki, sevgidə bəzən hisslərə qalib gəlmək, arabir ayrılıqlar yaşamaq lazımdır... Yalnız ayrılıqlar sevginin dəyərini dərk etdirə bilir aşiqlərə... Yeni görüşlərə başlanğıc olan ayrılıqlar... Yalnız ayrılıqlar yaşayanlar bilirlər ki, sevdiyi insanla yenidən görüşmək nə deməkdir. Yerdə qalan hər şey eşqin gücünü və sehrini zəiflədir. Təkliyin üzücü və magik dünyasını nə dəyişə bilər ki? Əgər insanlar vulkan kimi püskürmürsə, əgər tufanlar, qasırğalar, gecə, musiqi buna təsir edə bilmirsə... Və sevgi, eşq, məhəbbət... yaşamırsansa...
Necə də axmaq bir istəkdir ətrafdakılardan iynə ucu boyda bir doğmalıq arzulamaq. Bunun özündə bir özünüaldatma yoxdurmu? Bu dünyada təklikdən də qorxulu başqa bir hiss varmı?
Yox, təklik qədər qorxulusu yoxdur. Elə ona görə yaşamaq üçün bəhanə tapmaq olmur.
