Wê demê Cemşîd jî şand û ji bajêr hejmareke mezin ya kitêban jê re hat, yek ji wan kitêban "Eslê Cinsan" ya Charles Darwin bû. Wan çend mehên ku me li Baranok qedandin, apê min hemû dema xwe ji bo xwendina wê kitêbê terxan kir, çiku di demên firînê de ramanek derbasî xeyala wî bûbû û dixwest bîrdoziyeke dijber deyne û teqez bike ku mirov ne ku ji meymûnan, lê ji teyrikan geş bûye. Heta çend şevan min û wî li goristana Baranok bi dizî hinek gorên kevin vekirin û me hestiyên di wan de dizîn da Cemşîd wan bi hestiyên wan çûkên ku bi roj piştî xwarinê li ser sifreyê li cih diman, berhev bike