Mövzu: Universiteti bitirmiş Beril və dostları insanlara pul qarşılığında zarafatlar edirlər və bu dəfəki hədəfləri isə zarafat anlamayan, əsəbi bir Baş komissardır. Baş komissarın maşınını “gül qurusu” rənginə boyamaları ilə kitab möhtəşəm bir şəkildə başlayır.
Oxuyarkən çox zövq aldığım, üzümün bir an belə gülüşsüz qalmadığı, olduqca əyləncəli bir əsər idi. Aşiq olacağımız insanı özümüzün seçə bilməyəcəyini, xarakterlər nə qədər fərqli olursa olsun, qəlbin seçiminə məntiqin tabe olduğunu yazıçımız çox mənalı bir şəkildə sözlərə tökmüşdü. Romantik komediya janrındakı əsərləri sevən hər kəsə şiddətlə tövsiyə edirəm.