Xanım Həsənli❀
@Xhsn_ova
29 Mart 1999
142 okur puanı
Aralık 2022 tarihinde katıldı
Lev Tolstoyun “Etiraf” əsəri yazıçının həyatın mənası ilə bağlı yaşadığı dərin daxili böhranı əks etdirir. O, bütün uğurlara sahib olsa da, yaşamağın səbəbini tapa bilmədiyini etiraf edir. Tolstoya görə, elm necə yaşadığımızı izah edir, lakin niyə yaşadığımız sualına cavab vermir. Fəlsəfə və elmdə axtardığı cavabları tapa bilməyən yazıçı, həqiqi mənanı dində görür. Buradakı din kilsə qaydalarından çox, sadəlik, təvazökarlıq, vicdanla yaşamaq, yaxşılıq etmək və başqalarına zərər verməmək anlayışıdır. Bu əsəri çox bəyəndim, çünki insanı öz həyatı və varoluşu haqqında səmimi şəkildə düşünməyə vadar edir.
Reklam
Anna Karenina insanın daxili ziddiyyətlərini və cəmiyyətlə toqquşmasını göstərən bir romandır. Anna sevgisiz bir həyatın içində sıxılır və sevdiyini seçməklə cəmiyyətin sərt qaydalarına qarşı çıxır. Onun faciəsi təkcə etdiyi seçimlərdə deyil, bu seçimlərin onu getdikcə təkliyə sürükləməsindədir.
Tolstoy Annanın hekayəsi ilə yanaşı, Levin obrazı vasitəsilə həyatın mənası, vicdan və sadə xoşbəxtlik anlayışlarını da araşdırır. Bu iki xətt biri faciə, digəri isə sakit axtarış olan iki fərqli həyat yolunu göstərir.
Buna baxmayaraq, Annanın bəzi davranışlarını anlaya bilmədim; həqiqətən də onun niyə bu qədər özünü tükətdiyini və çıxış yolu görmədiyini dərk etmək mənim üçün çətin oldu. Roman sevginin romantik bir xilas olmadığını, insanı həm yüksəldə, həm də məhv edə biləcəyini göstərir və oxucunu mühakimə etməkdən çox düşünməyə vadar edir.
Əsər bir çox yerdə sevgi romanı kimi tanına bilər.Amma bu əsərdə insanın xarici görünüşünə görə alçaldılması, sinif fərqi, ədalətsizlik, həmin dövrdə sənətə baxış və daha bir çox mövzu ətraflı şəkildə işlənir.
Əsərdə göstərilir ki,insanın dəyəri görünüşündə deyil, ürəyindədir,cəmiyyət çox vaxt ədalətsizdir,xəstə ehtiras insanı da, başqalarını da məhv edə bilər,təmiz sevgi isə fədakarlıq deməkdir.
Bunu da xüsusi olaraq qeyd etməliyəm ki, oxuyanda ilk iki yüz səhifədə əsəri yarımçıq qoymamaq üçün özümü çox zor saxladım. Çünki ilk səhifələrdə Paris və onun memarlığını o qədər geniş təsvir edirdi ki, sanki yazıçı bizi addım-addım Parisin küçələrində gəzdirirdi. İki yüz səhifədən sonrakı hissə isə su kimi axıb getdi. Əsəri bitirdikdə isə “yaxşı ki, oxumuşam” dediyim bir kitab oldu.
Xoşbəxtlik >Maddiyyat1000k
Kitab insanın dəyərinin var-dövlətlə ölçülmədiyini göstərir. Özünü başqalarına bənzətməyə çalışmaq insanı içdən yorur. Həqiqi xoşbəxtlik yalnız özünü olduğu kimi qəbul etməklə mümkündür. Ayrıca, uğur və şöhrət insanın ruhundakı boşluğu doldura bilmir.
Verter çox saf, səmimi və dərin sevgi yaşayır, amma sevgini həyatın mərkəzinə çevirdiyi üçün bütün başqa dəyərləri itirir. Sevgi onu yüksəltmir, tükəndirir.
Həddindən artıq romantizm insanı məhv edir.
Hisslər gözəldir, amma ağıl nəzarəti itirsə, sevgi faciəyə çevrilir.
Genç Werther'in AcılarıJohann Wolfgang Von Goethe · Türkiye İş Bankası Kültür Yayınları · 2024150bin okunma
Reklam