Aytac Qurbanova
@_Ay_Tac_
Bakı
Azərbaycan Bakı, 15 Mart 1997
251 okur puanı
Ocak 2020 tarihinde katıldı
Şu anda okuduğu kitap
İrvin D. Yalom – “Annem ve Hayatın Anlamı”
Bu kitabda Yalom insan ruhunun ən incə qatlarına toxunur. O, oxucunu yalnız terapevt kimi deyil, insan kimi də sarsıdır. Hər hekayə bir sual kimi səslənir: “Sevgi nədir, bağışlama mümkündürmü, ölüm qorxusunun kökü haradadır?”
Yalomun anası ilə münasibətlərinə baxışı, bir övladın içində daşıdığı sevgi və günahkarlığın necə bir-birinə qarışdığını göstərir. Xüsusilə müəllifin anası ilə olan mürəkkəb münasibətini səmimi şəkildə paylaşması, insanın köklərinə və mənəvi yükünə necə baxmalı olduğunu düşündürür.
Yalom bir daha sübut edir ki, həyatın mənasını tapmaq üçün bəzən ən çətin duyğularla üz-üzə gəlmək lazımdır..
Kitab oxucunu sakit bir şəkildə öz həyatına, münasibətlərinə, keçmişinə baxmağa çağırır.
Sanki hər səhifə “öz hekayəni tanı” deyir.
Dərin, düşündürücü və bəzən ağrılı — amma hər sətiri insan olmağın mahiyyətinə bir addım daha yaxınlaşdırır..
Reklam
İki Şəhərin Hekayəsi — Charles Dickens
Charles Dickens-in 1859-cu ildə yazdığı bu əsər, ədəbiyyat tarixinin ən çox oxunan və ən təsirli romanlarından biridir.
Roman hadisələri Fransız İnqilabı dövründə — Paris və London şəhərləri arasında cərəyan edir. Adı da buradan gəlir: “İki Şəhərin Hekayəsi”.
Əsər insanlığın ən zidd tərəflərini göstərir — sevgi və nifrət, ədalət və zülm, yaşamaq və fədakarlıq.
Dickens bu romanda sadəcə siyasi hadisələri yox, insan ruhunun dərinliklərini, günahsız insanların faciəsini və ümidin gücünü təsvir edir.
Hekayənin mərkəzində üç əsas obraz var:
• Çarlz Darnay – Fransız əsilli, vicdanlı və dürüst bir adam.
• Lusi Manett – saf və mehriban bir qadın, ümidin simvolu.
• Sidney Karton – həyatın mənasızlığında itmiş, amma sonda ən böyük fədakarlığı edən insan.
Sidney Kartonun son cümləsi romanın ən məşhur ifadələrindən biridir:
“Bu, mənim indiyədək etdiyim işlərin ən yaxşısıdır; bu, mənim indiyədək tanıdığım istirahətlərin ən gözəlidir.”
Bu sözlərlə o, sevgi və fədakarlığın insanı necə dəyişdirə biləcəyini göstərir.
Əsər həm tarixi, həm emosional, həm də fəlsəfi dəyərləri ilə oxucunu düşündürür.
“İki Şəhərin Hekayəsi” sadəcə keçmişin hekayəsi deyil — bu gün də ədalət, sevgi və insanlıq haqqında dərin mesajlar verir.
Əgər həyatın işıqlı və qaranlıq tərəflərini anlamaq istəyirsənsə, bu kitab səni düşündürəcək.
“Qızlar ağlamaz” – Aysel Əlizadənin qadınlara, onların yaşadığı haqsızlıqlara və cəmiyyətdəki mövqeyinə dair yazdığı publisistik kitabdır. Kitabda müəllif qadınların susdurulmasına, zəif göstərilməsinə, duyğularını ifadə etmələrinin qadağan olunmasına qarşı çıxır.
Əsər qadınlara güc verir, onları özlərini sevməyə, haqlarını tələb etməyə, qorxmamağa və susmamağa səsləyir. Müəllif deyir ki, “qızlar da ağlaya bilər, danışa bilər, dəyişə bilər” – və buna tam haqqı var.
Kitab həm maarifləndirici, həm də ilhamverici bir manifestdir – qadınlar üçün yazılmış, amma bütün cəmiyyətə ünvanlanmışdır.
Ardımda Kalanlar ~ insanı ilk səhifədən emosional olaraq ələ keçirən bir kitabdır. Hadisələr iki zaman xəttində cərəyan edir və bu keçidlər çox uğurlu şəkildə bir-birini tamamlayır. Müəllif həm keçmişin qaranlıq tərəfini, həm də bu günün sakit, amma ağrılı reallıqlarını paralel göstərir.
Əsərin əsas gücü onun atmosferindədir. Hər şey o qədər real təsvir olunub ki, sanki sən də qəhrəmanın yanında olursan. Clara obrazı çox təsirli yaradılıb — onun çəkdiyi ağrılar, qorxuları və içindəki ümid hissi oxucunun qəlbinə toxunur.
Kitab qadın psixologiyasını və cəmiyyətin yaratdığı basqıları açıq şəkildə göstərir. Müəllif bunu nə melodram halına gətirir, nə də soyuq şəkildə danışır — sadəcə həyatın sərt tərəflərini olduğu kimi təqdim edir.
Oxumaq asandır, amma təsiri uzun sürür. Bitirəndə həm kədər, həm də qəribə bir rahatlıq qalır.
Dram və duyğu dolu hekayələri sevən hər kəs üçün çox dəyərli bir əsərdir.
Farabi’nin “Var mısın ki yok olmaktan korkuyorsun?” adlı kitabı, fəlsəfi bir dərinliyə sahib olan, varlıq, yoxluq və insanın mənəvi axtarışı ilə bağlı düşüncələri ehtiva edən bir əsərdir..
Kitab boyunca insanın daxili dünyasına səyahət edilir. Özünü tanıma, varlığın məqsədi, əbədi olanla fani olanın fərqi kimi mövzular işıqlandırılır. Farabi, rasional düşüncə ilə ruhani axtarışı birləşdirir. O, insanın sadəcə maddi varlıq olmadığını, onun mənəvi və idraki tərəfinin də çox önəmli olduğunu vurğulayır.
Kitab həm fəlsəfi, həm də psixoloji mənada insanı düşündürür və oxucuya özünə, həyatına və ölümə yeni bir baxış bucağı qazandırır..
Reklam