Aygün
@aygunhadji
İlk öncə sözə KİTABIN ÜZ QAPAĞINA ÜRƏYİM GETDİ deyə başlamaq istəyirəm.
İl sonunda elə yenicə çıxmış İkimizin dilində şeir kitabını oxumaq istədim. 2024ün son ayı olduğu üçün daha seçici davranıb sadəcə zövq alacağım kitabları seçməyə çalışıram. Bu baxımdan İkimizin dilində məni yanıltmadı. Şeirlərin hər birində duyğusal dərinliyi hiss etmək olurdu. Dönüb dönüb qayıdacağım, arabir yenidən vərəqləyəcəyim bir kitab oldu mənim üçün. Şeirlərin hamısını bura alıntı olaraq əlavə etməmək üçün özümü güclə saxladım. Yazarın ilk kitabı olmasına baxmayaraq "ilkin günahı olmaz" sözünün arxasına sığınmayıb. Şeirlərin hamısı elə bil seçmə idi. Dili də olduqca oxunaqlı və axıcı idi. Yazara uğurlar arzulayıram, axarıncı olsun!
Reklam
Başlayarkən heç bir gözləntim olmamasına rəğmən o qədər bəyəndim ki, bu incələmə üçün sözlərimin kifayət etməyəcəyini düşünürəm.
Hər nə qədər uzun müddət təsirindən çıxmaqda çətinlik çəksəm də bu tip mövzuya sahib olan kitabları çox sevirəm.
Almanlar, yəhudilər, tarix, yarım qalan həyatlar...
Bir nəslin hekayəsi olan bu kitabda hər şey Rose'un Hope'a 7 addan ibarət bir siyahı verməsi ilə başlayır. Alzheimerdan əziyyət çəkən Rose çox nadir günlərdə bir şeylər xatırlayır və 29 sentyabr da bu günlərdən biridir. Bir siyahı hazırlayıb sadəcə oradakı 7 adla birlikdə nəvəsinin Fransaya getməsini istəyir. Həyatı onsuz da çətin olan Hope bir az tərəddüd etsə də gerçəklərin izinə düşməyə qərar verir.
Hope.. kifayət qədər çətinliklər görmüş, həyatın yorduğu insanlardan biridir. Bu yorğunluq ona xəyalları üçün vuruşmasında , özü üçün, xoşbəxtliyi üçün savaşmasında əngəl olsa da kənar dəstəklər vasitəsilə axır ki hərəkətə keçməyi bacarır. 36 yaşı olmasına baxmayaraq hələ də həyatı, özünü, sevgini sorğulayan Hope ilə bərabər onun iç dünyasına etdiyi səyahəti oxumaq çox maraqlı idi.
"Ve kendim için ağlıyordum çünkü yolu bilmiyordum. Cevapları nasıl bulacağımı bilmiyordum." shf 475
Hope'un özü ilə verdiyi mübarizədə ən sonunda bir şəkildə də olsa öz "yolunu" tapmasına çox sevindim. Hope ilə əlaqədar əlavə etmək istədiyim bir şey daha var. Bəzi məqamlarda hədsiz qərarsız qalırdı, hansı ki cavab gözünün önündədir, bu mənə çoxca özümü xatırlatsa da ona əsəbləşmədən keçə bilmirdim. Burda əsəbim daha çox özümə idi, çünki bəzən cavab tam da gözümün önündə olsa da görə bilmirəm. (görməmək işimə gəlirsjsj)
Annie haqqında uzunca danışmaq istəmirəm, kitabdakı bir çox insandan, hətta Hope'dan belə daha məntiqli düşünən, ümidini bir saniyə belə itirməyən, çox əzmli, inadkar bir xarakterə sahib
Uzun müddətdir bu kitabı oxumağa hazır hiss edəcəyim zamanı gözləyirdim, bu kitaba bir neçə dəfə başlayıb yarım qoymuşdum. Və bir neçə gün əvvəl tam bu kitabı oxumalı olduğumu hiss etdim və oxumağa başladım.
O qədər yüngül, axıcı və sürükləyici bir mövzusu var ki. Oxuyanda əsla yorulmadım. Tam özünüzü pis hiss etdiyiniz bir anda oxunacaq kitabdı.
Mövzusuna gəldikdə, Mia məhşur aktrisadır, evlidir və həyat yoldaşı ilə eyni sənətə sahibdir. Son filmlərində isə birlikdə rol alırlar. Buna baxmayaraq aralarındaki soyuqluq keçmək bilmir. Mia Davidin ona olan soyuq davranışlarından bezərək rəfiqəsi Deyzinin yanına gedir və bir müddət özünü hər şeydən kənarlaşdırmağa çalışır. Bu müddət ərzində Mianın Pol ilə tanışlığını və onların yaşadıqları həyəcanverici anları oxuyuruq. Mia və Pol'un münasibətindəki istilik düşünürəm ki, kitabı oxuyan hər kəsə mükəmməl təsir bağışlamışdır.
Mənə ən çox təsir edən isə Kyong'un hekayəsi idi.
Polun əsla saxtakarlığı bacarmaması və sonda hər şeyi etiraf etməsi mükəmməl idi.
"- Bəs indi, hesaba alındı, ya alınmadı?
- Alındı."
Bostonda ardıcıl baş verən cinayətlər.. Hər cinayət əvvəlki ilə eyni məqsəd daşısa da, qatilimiz özünü hər növbəti cinayət üçün bir az daha hazırlayır; bir növ püxtələşdirir. Qurbanları üzərində buraxdığı izlər sayəsində artıq bir adı da var. Cərrah! İlk qurbanlarında alıştırmalar edərək özünü əsas qurban - Catherine üçün hazırlayır. Bəs niyə bir insan üçün bu qədər insan cinayətə qurban gedir? Cavab Cərrah üçün çox sadədi. Sıra Catherine'ə gələndə hər şeyi ən ustaca həyata keçirmək ve bundan mükəmməl şəkildə zövq almaq.Bu mərhələyə gələnə qədər seçdiyi qurbanlarla özəl olaraq maraqlanmış, onlardan özünə xatirə qalacaq şeyi almağı da unutmamışdır(!) Cərrahın seçdiyi qurbanların bir ortaq nöqtəsi var. Beləcə onun bir sonrakı həmləsini bilmək nisbətən mümkün olmağa başlayır. Bu cinayətdəki bütün nöqtələri birləşdirmək Boston Cinayət Masası'nın öhdəliyindədir. Amma unutmamalı olduqları bir şey var. Cərrah axmaq deyil. Və özündən sonra demək olar ki iz qoymur. Bəs Catherine niyə Cərrahın əsas hədəfidir? Onu cərrahla bağlayan nədir?
Kitabda zaman zaman dedektivlərin, zaman zaman Catherine'nin və bəzən də cərrahın ağzından oxuyuruq hekayənin axışını. Cərrahın ağzından danışılan Agamemnon mifi haqqında daha əvvəllər bir araşdırmam olmadığı üçün o yerlərini nəfəssiz oxudum deyə bilərəm. Yazarın anlatım dili olduqca rahat və axıcı idi. Hadisələrin baş vermə ardıcıllığı nəfəs kəsici idi və bir sonraki səhifədə nə olacağını təxmin etmək demək olar ki mümkünsüz idi. Xüsusilə son səhifələri bir oxumada bitirdim, yəni o qədər həyəcanlı idi. Tess Gerritsen Cərrah'ı çox mükəmməl bir şəkildə işləyib.
