Belə yaralara mən necə dözdüm? Onların öhdəsindən mən necə geldim? Mənim ruhum bu məzarlardan necə sağ çıxdı?
Bəli, içimdə yaralanmayan, dəfn edilməyən, qayaları partladan bir şey vardır: bu mənim iradəmdir...
Sən ey yalqız, bu gün sənin hələ də öz cəsarətin və ümidlərin qalır. Lakin nə vaxtsa səni tənhalıq yoracaq, nə vaxtsa sənin məğrurluğun sınacaq və cəsarətin yox olacaq. Bax onda qışqırıb deyəcəksən: "Mən Yalqızam!"
Bir gün gələcək, onda öz ucalığını daha görməyəcəksən və alçaqlığın sənə lap yaxın olacaq: öz əzəmətin bir kabus kimi səni qorxudacaq. Bax onda sən qışqıracaqsan: Hər şey yalandır! ".....