Dilbirîn DILO
@dilbirindilo
Evîndarê evînê
Bêedebê civakê
Şeytanê heqîqetê
Niha ez hemû çîrokbêjên xwe têxim hundirê sindoqekê û qufle bikim dê diya min bikaribe bi xweşî razê?
Heke ez hemû xweziyên xwe daqurtînim dê dilê bavê min rehet bibe?
Gelo ji pîrika xwe re strana Emê Gozê bistrêm dê bikaribe ji nava nivînan rabe?
Ji hesretê re du name hatine nivîsin li bin dara xweziyê li keviya gundikekî bêgoristan
Şanoya şoreşê li dar e
Bajarok vala ne
Û ji wextan firîna firokeyan e
Bi awirên hinekirî li rûyê rabirduya qelew dinêre destên korfersend
Bişirînên zivîn li ber şibakeya hîroyîn li ber sekerata heyvîn dinalin
Li vî bajarî bêriya gundan nayê kirin. Bêrîkirin xwe bi bêrîkirineke din dide jibîrkirin ango di bîranînekê de tê veşartin.