Valida Shafiyeva
@edilavs
Müəllim
15 Ekim 2002
31 okur puanı
Ocak 2021 tarihinde katıldı
Şu anda okuduğu kitap
Çox həyəcanlı... Oxuduqca hər şey film kimi gözümün önündə canlandı ən kiçik detallara qədər, hər şey... Bəzi cümlələrdə olacaqları təxmin edə bilirsən, sonra təxminlər həqiqətlə üst-üstə düşmür, bəzən isə ümumiyyətlə bundan sonra nə olacağı ilə bağlı heç bir fikrin olmur.
Reklam
"Niyə bu şəhərdə kimsə yoxdur?" yox, "Bu şəhərdə kimsə yoxdur?". Məncə biz Villinin yaşadıqlarını yaşamasaqsaqda, Visam kimi dostu(o dost bizi) tapana kimi bu şəhərdə kimsə yoxdur.
Kitab həyatı qaradan ağa çevrilməkdə olan Villi haqqındandır. Təbii ki, bu yolda ona dəstək olan, hətta onu bu yola çıxaran Visamın rolu böyük və əvəzsizdir. Əslində kitab bir çox mesaj vermək istəyir, onlardan biri və birincisi mənə görə Villi ilə Visamı müqayisə etməkdən keçir. Hər iksi kiçik yaşlarında böyük travmalar alıblar amma hər biri bunlardan sonra fərqli şəkildə dünyaya baxıblar. Kitabda da deyildiyi kimi, "Ətraf aləmin təsirinə bu cür həssas olan insan hər gün öz ruhunda nəsə əkir və nəsə düzəldir. Bəzən müsbət hisslərdən təşkil olunmuş gözəl bir bağ, bəzən də quraq və yararsız torpağı olan bir biyaban."
Kitabda mənə maraqsız gələn hissə isə dini və tarixi dialoqların çox olması idi. Ümumi olaraq, məncə hamının oxumalı olduğu kitablardandır.
Kitabın ilk hissələri məndə sadə, bəsit bir nağıl hissiyatını oyatsa da, heç də elə olmadığı oxuduqca anlamaq olurmuş. Çox maraqlı və axıcı kitabdır, qısa da olduğundan bitirmədən bağlamaq istəmirdim. Kitabda digər maraqlı hissə isə obrazların rəsmlərinin olmasıdır ki, bununla da onlarının mimikalarını görərək, əsərə daha çox hakim ola bilirik. Kiçik həcmli olsa da, böyük məna daşıyan kitabdır.
Miraç Çağrı Aktaş kitablarına çox bənzəyir. Kitabın ön sözündə də deyildiyi kimi, "bu kitab sənə bilmədiyin nələrisə öyrətməyəcək". Kitabdan olan bəzi alıntıları görüb, çox bəyəndiyim üçün oxumaq qərarına gəlsəm də, yarılamadan mənim tərzimdə olmadığının fərqinə vardım və bu səbəbdən də yarım buraxdım. Amma yenə də, kitabda çox bəyəndiyim hissələr oldu.
Bəzi səhifələrin göz yaşları ilə dola biləcəyi kitab... O qədər hislərlə doludur ki, oxuyarkən təsir etməməsi çətindir. Çox bəyəndiklərimdən biri oldu. Sonunu çox fərqli şəkildə təsəvvür etmişdim, amma təsəvvürümdəki kimi olmadı.
