Onun üçün indiyə kimi üstünü aça bilmədiyi yalnız bir cinayət və tapa bilmədiyi bir cinayətkar qalmışdı. O da onun ürəyini oğurlayıb , içindəki sevgi və bütün ülvi hissləri öldürən, ya da ruhunu zəhərləyib paramparça edən Dəfnə və onun əməli idi. Hansı ki, artıq bunu düşünmək belə istəmirdi. Bir-birini əvəz edən həkimlər, asılan sistemlər və onların ürək bulantısına qarşı müxtəlif fərziyyələri. Amma yalnız Aslan ürək bulantısının əsl səbəbini bunun həkimlərin fikrinin əksinə olaraq zəhərlənmə, soyuqdəymə ilə əlaqəsinin olmadığını yaxşı bilirdi. Ürəyi bulanırdı, çünki həyatında ilk dəfə sevməkdən bu qədər nifrət edib, iyrənmişdi...