... BAYRAM GELDİ DE O SEVGİLİ GELMEDİ
1 İtdi va'di vuslata 'îd geldi cânân gelmedi
Gün gibi ol şûh gözden oldı pinhân gelmedi
2 Reml atup dökdüm nukat teşrîfine dil-dârımın
Düşdi engüşt hâne-i ümmîde lihyân gelmedi
3 Tâze tâze dâglar sînemde gördi vâh tabîb
Çâre yokdur bildi ahvâlim perîşân gelmedi
4 Bir gözüm gözler deri derûnda kaldı bir gözüm
Muntazırdır câyına cân ola kurbân gelmedi
5 Var idi bir va'd-i ihsân[ı] bana o meh-veşin
Gâlibâ dûr oldı hâtırdan ki el'ân gelmedi
6 Salmadı bir sâye başım üzre gülşen içre gül
Çekdi kad nâz eyleyüp serv-i hırâmân gelmedi
7 Bülbül-i şûrîde geldi bâg-ı dehre bî-hisâb
Lîk bu Rûhî gibi şûride-i elhân gelmedi
gelmedi
Sayfa 318Kitabı okudu
·
12 görüntüleme
Yorum yapabilmeniz için giriş yapmanız gerekmektedir.