Yar, həsrətin bilirsənmi nədədir?..
Yaman tez-tez düşür yada tellərin.
Çox gözəllik gəlib, keçib-gedəndir,
Gözəl oldu bu dünyada tellərin.
Dəstə tutub qorxa-qorxa hörmüşəm,
Qüdrətini gözlərimlə görmüşəm.
İlk eşqimi mən ki ona vermişəm,
Şeir yazdım, çatdı dada tellərin.
Xəyalımda üz-gözümə toxundu,
Bir telində min bir dünya oxundu.
Şair oldum, bilirəm ki, mən indi
İlham verdi, tək bu ada tellərin...
🖤
Tofiq Hüseynzadə
Yorum yapabilmeniz için giriş yapmanız gerekmektedir.