1 Enfâs-ı âdem hafyeten dir dâ'imâ Allâh Hû
'Ariflerin ez-kârıdur zikr it dilâ Allâh Hû
2 Gafletle itme zikrini hâzır bilüp mezkûrumi
İhlâs u safvet kesb idüp di âşıkâ Allâh Hû
3 Cehrî harâret arturur surrî riyâdan men' ider
Surrî vü cehrî șevk ile di zâkirâ Allâh Hû
4 Tuğrâ-yı 'aşk çekdi ezel hatt-ı vücûd-ı 'ârife
Ariflerin menşûrıdur di 'ârifâ Allâh Hû
5 Budur tabib-i ehl-i dil hem râh-ı 'aşkadur delîl
Darra vü serrâda olur derde devâ Allâh Hû
6 Nefs 'askerin sürer hemân iklîm-i dilden dem-be-dem
Renc ü anâyı ref ider virür guna Allâh Hû
7 Vird eyle ism-i a'zamı şeytân dile yol bulmasun
Hakdan sana bir mevhibe di Sıdkîyâ Allâh Hû