1 Bu gül-şende dem-â-dem ol güli turma hayâl eyle
Nedür bülbül tegi feryâd yeter kat-ı makâl eyle
2 Dilersen nâm-ver olmak bu bâzâr-ı cihân içre
Varup ibrâhim Edhem tek libâsın köhne-şâl eyle
3 Bu nâ-dânlık ile sofî varılmaz menzile bi'llâh
Yüzün sür pâyine git hidmet-i ehl-i kemâl eyle
4 Niçe bir sim ü zer fikriyle me'luf eyledin kalbi
Yeter ey dil birez de hasıl-ı irfân u hâl eyle
5 Niçün Sıdkî idersin her hasise râzını ifşâ
İdersen hâlini bârî Kerime 'arz-ı hâl eyle