1 Hayf kim kaldın dilâ bu dâm-ı dehr içre zebûn
Niçe sâlik kat'-ı menzil eyledi sen ser-nigûn
2 Ne felâketler getürdi bașıma bu çarh-ı dûn
"Ömrimi yile virüp itdi bana dürlü füsûn
3 İntikâmımı alur senden o 'aşk-ı reh-nümûn
İmtinânından halâs eyler o zât-ı pür-şu'ûn
4 Bî-vefâ îcâd kıldı Hak seni ez-kâf u nûn
Ehl-i dil çeksün sitemler sen hemân döndükçe dûn
5 Bir karâra mı gidersin sende var mi hiç sükûn
Gerdişinle niçe erbâb-ı kulûbun bagrı hûn
Çünki oldur cân ile ten kişverinin dâveri
Cümleden giçüp olalım şâh-ı 'aşkın çâkeri