Adlar, talelər, izlərTarih
Əzizim vətən sarı,
Yol gedər vətən sarı,
Çıxaydım dağ başına
Baxaydım vətən sarı...
Yollarının Cümhuriyyət dönəmində kəsişdiyi, bir-biri ilə görünən və görünməyən tellərlə bağlı olan fərqli, eyni zamanda dövrünün önəmli ictimai-siyasi və ədəbi simalarının həyatından maraqlı anları, tarixi faktları oxuduğumuz bir kitabdır “Fərqlilər”. Əsər sənədli oxu kimi xüsusi dəyərə malikdir. Məqalələrdə yer alan maraqlı fotoşəkillər, mühüm məlumatlar və məktublar kitabın faktoloji gücünü daha da artırır.
Cümhuriyyət və mühacirət dövrünün ziyalı təbəqəsini yaxından tanımaq oxucuda milli qürur hissi oyadır, tarixə və keçmişə marağı dərinləşdirir. Bu baxımdan “Fərqlilər” təkcə oxu deyil, eyni zamanda xatırlama və anlama kitabıdır.
Bununla belə, bəzi məlumatların sistematik şəkildə təqdim olunmaması, mövzuların bəzən qarışıq təsviri oxu zamanı müəyyən çətinlik yaradır. Ancaq tarix və ədəbiyyatla az-çox tanış olan oxucular üçün bu məqam əsərin dəyərini azaltmır; əksinə, fərqli və diqqətçəkən bir mənbə kimi maraq doğurur.
“Fərqlilər”i oxuyarkən insan yalnız keçmişi oxumur, həm də o dövrün düşüncə yükünü, ağrısını və ideallarını hiss edir. Adları tarixdə qalan bu insanların taleləri səhifələr arasında yenidən danışmağa başlayır.
Mənim üçün maraqlı səyahət oldu. 
Əsərləri 
Əsrimizin Siyavuşu kitabları da davamında oxunsa, sanki daha dolğun məlumat toplusu olar oxucu üçün.
Hər zaman kitabla qalın.
Bu dünyanın hər sirrini,
Bizə deyir bu kitablar,
Ömrümüzün yollarına,
Nur çiləyir bu kitablar.
Əsərləri Əsrimizin Siyavuşu kitabları da davamında oxunsa, sanki daha dolğun məlumat toplusu olar oxucu üçün.
Hər zaman kitabla qalın.
Bu dünyanın hər sirrini,
Bizə deyir bu kitablar,
Ömrümüzün yollarına,
Nur çiləyir bu kitablar.·
155 Gösterim
3 Yorum
Lütfen giriş yapınız.
Dilqəm Əhmədin digər kitabları da sənəd-sübut baxımdan olduqca zəngindir, özü çox maraqlı araşdırmaçıdır, xüsusilə də Cümhuriyyət və mühacirətlə bağlı sənədlər, fotolar üçün çox əziyyət çəkir. Bu onun bu qəbildən ilk kitabı idi, illər əvvəl oxumuşdum.
Aida
Gönderi Sahibi
Vətənə gedəndə başqa kitablarını da almağı düşünürəm.
İlk kitabı olduğu bəllidir. Bəzi qrammatik səhvlər də vardı. Qəribə sual cümlələri filan. Amma kitabı qiymətli edən tarixi araşdırmalardır və buna görə səhvlərə güzəştə getmək olar :)
Aida
Gönderi Sahibi
Azərbaycan Yazıçılarının Həyatından Dəqiqələr kitabını da tövsiyə edirəm. Fərqli və maraqlı məlumatlar var kitabda.
