bəşəriyyət qüssədən xilas olmağın yeganə yolunu əylənməkdə görür. Sadəcə, indi əyləncə həyatın hər sahəsinə o qədər soxulub ki, Tanrını da əvəz edib. Bəs əyləncədən necə yaxa qurtarasan? Qəm-qüssəyə qorxmadan meydan oxumaqla.
Mən sizi "yenilik" adlı narkotik aludəçisinə çevirirəm, yeniliyin üstün cəhəti onun heç vaxt yeni qalmamasındadır. Hər bir yeniliyi köhnəltmək üçün həmişə təzə növbəti bir yenilik tapılır. Ağzınızın suyunu axıtmaq- mənim müqəddəs vəzifəm məhz budur. Mənim peşəmdə heç kəs sizin xoşbəxtliyinizi arzulamır, çünki xoşbəxt adamlar istehlak etmirlər.
Əksər vaxtlarda sevgi riyakardır: gözəl qızlar cibləri dolu, onlara dəbdəbəli və firavan həyat vəd edən kişilərə aşiq olurlar (səmimi qəlbdən aşiq olduqlarına inanırlar). Bəs onlar fahişələrdən fərqlənirlər? Fərqlənmirlər.
Hər şey müvəqqətidir: sevgi incəsənət, Yer planeti,siz,mən. Ölüm elə labüddür ki, o hər zaman hamını qəfil yaxalayır. Bu günün son gün olmadığını necə bilmək olar ? Qarşıda sizi uzun zaman gözlədiyini düşünürsünüz. Və gözlənilmədən dibə çökürsünüz, zamanınız bitdi. Ölüm qeyd dəftərçənizə yazmadığınız yeganə görüşdür.