Adolf Hitler
Verner MazerAdolf Hitler Posts
You can find Adolf Hitler books, Adolf Hitler quotes and quotes, Adolf Hitler authors, Adolf Hitler reviews and reviews on 1000Kitap.
Son
“Mən bu şəhərdə əmr vermək hüququna malik idim. İndi isə taleyin əmrinə boyun əyməliyəm. Hətta xilas olmaq imkanım olsaydı da, bunu eləməzdim. Kapitan gəmisi ilə birlikdə batmalıdır". 13 aprel tarixində Yeva Braun general-leyenant Herxard Engelə özünü vurmaq haqqında sual vermişdi. Ətrafındakıların, xüsusi halda onu təyyarə ilə aparmaq istəyən Hann Rayç və Hans Baurun yola gətirmək cəhdlərinə baxmayaraq, Hitler Berlində qalıb intihar etməyi seçdi.
Sayfa 513Kitabı okudu
Hitler altı il altı ay ərzində fövqəladə səlahiyyətlərin verilməsi haqqında qanun qəbul etmiş (24.03.1933), Almaniya ərazisində yəhudilər üçün cəhənnəm yaratmış, həmkarlar ittifaqlarını ləğv etmiş (02.05.1933), siyasi partiyaları fəaliyyətlərini dayandırmağa məcbur qoymuş (1933-cü ilin iyun-iyul ayları), Almaniya və papa kuriyası arasında konkordat bağlamış (22.07.1933), "reyxin dirçəlməsi haqqında" qanun imzalamış (30.01.1934), SA-nın əsas statusa malik olmaqla bağlı iddialarını rədd etmiş (30.06.1934), özünü fürer və dövlət kansleri elan etmiş (02.08.1934) və vermaxtın "alman xalqının və reyxin füreri Adolf Hitlerə" sadiq olmaq haqqında
andını qəbul etmişdi. O, 19 avqust 1934-cü ildə referendumda səslərin 90 faizini, 13 yanvar 1935-ci ildə Saar vilayətində isə səslərin 91 faizini toplamış və Millətlər Liqasının Saarın Almaniyaya qaytarılması haqqındakı qərarını da qələbələri siyahısına əlavə etmişdi. 16 mart 1935-ci ildə ümumi hərbi mükəlləfiyyət təyin etmiş, 7 mart 1936-cı ildə isə qoşunlarını demilitarizasiya edilmiş zonaya daxil edərək Reyn vilayətində tam hərbi suverenliyi bərpa etmişdi. O, Avstriyanı və Sudet vilayətini Almaniyanın tərkibinə "qaytarmış" (1938-ci ilin mart ayından oktyabr ayına qədər), 1939-cu ilin mart ayında isə protektorat yaratmaqla Bohemiya va Moraviyani işğal etmişdi.
O, (Hitler) ömrünün sonuna qədər 1924-cü ildə "Mayn kampf"da söz verdiyi kimi, hələ gənclik illərində formalaşmış dünyagörüşünə və siyasi düşüncə kateqoriyalarına sadiq qalmışdı. Siyasətçi olduğu zaman daim hakimiyyətə can atması və onu əlində saxlamağa çalışması tamamilə təbiidir və buna görə onu günahlandırmaq olmaz. Hakimiyyətsiz siyasət və müvəffəqiyyətsiz hakimiyyət
uzun müddət mövcud ola bilməz. Lakin onun siyasəti insanlara qarşı düşmən mövqeyi tuturdu, qeyri-insani və öldürücü idi, üstəlik də o, öz qanuni hakimiyyətindən sistematik şəkildə təsəvvürlərini həyata keçirmək üçün, taktiki sərbəstlik əldə etmək və normal vəziyyətdə tabe olmalı olduğu bütün qaydaları pozmaq məqsədilə istifadə edirdi. Hakimiyyətə meyilli siyasətçi kimi gözü doymayan Hitler daha çox gücə sahib olmağa çalışırdı və onun bu istəyi xəstəliklərin təsiri altında daha da artmışdı. Onun artıq əldə etdiklərini uzun zaman saxlamaq iqtidarında olmaması bu cür siyasətin labüd nəticəsi idi. Beləliklə, xüsusən də istər ölkə daxilində, istərsə də beynəxalq səhnədə daim öz təşviqatları üçün yeni məqsədlər axtarması nəzərə alınarsa, Hitlerin müəyyən vəziyyətlərdə əldə etdiyi siyasi və hərbi uğurlar son nəticədə xəyala çevrilməli idi.
Xəstəliklər, nasazlıqlar və dərmanlar, bir neçə il bunkerdə monoton həyat keçirməsi, vegeterian yeməkləri, son vaxtlar sutkada cəmi iki-üç saat yatması, cəbhələrdə üzləşdiyi məğlubiyyətlər, alman şəhərlərinin bombardman edilməsi, aramsız fiziki və psixoloji gərginliklər Hitlerin səhhətində özünü büruzə verir, fikirlərini zəhərləyir, gələcək həyatını işgəncəyə çevirirdi.
Hitler obyektiv və reallaşdırmaq üçün münasib hesab etdiyindən kitablardan seçdiyi bütün fikirləri həyata keçirməyə, həqiqəti həyatın dəyişdirdiyi mənəvi dünyasının dar çərçivəsinə sığışdırmağa çalışırdı. O, texniki və təbiət elmləri fonunda açıq-aşkar XIX əsrin mənəvi və elmi nailiyyətlərinin təsirini əks etdirən optimist baxışlara əsaslanmaqla, məqsədlərinə nail olacağına şübhə etmirdi. Hitler ənənəvi anlayış və baxışlara yeni məna vermiş, yeni amallar yaratmış, öz fikirlərini müqəddəs, özünü isə Tanrının vasitəçisi adlandırmış, müharibə elan etmiş (olduqca tez), çox sayda yəhudini zərərli həşərat kimi qırmış, azadlıqdan məhrum etmiş, çox sayda kişini axtalatdırmış, qadınları dölsüzləşdirmiş, xəstələri öldürmüş, kilsə ilə mübarizə aparmış, ədliyyəni kor-koranə özünə tabe etdirmiş, ictimai rəyi, incəsənət və memarlığı reqlamentə tabe etmiş, kütlələrə hökm edərək burjuaziya əxlaqının tənəzzülünə səbəb olmuşdu O, olduqca çox sayda kobud səhvə yol verməsinə, obyektiv reallığı yanış qiymətləndirməsinə və dünyada qarşıdurma yaratmasına baxmayaraq, çox sayda heyrətamiz uğurlara imza atmağa da nail olmuşdu. Hitlerin xüsusi fərdi, milli və beynəlxalq keyfiyyətləri, qeyri-adi cazibə qüvvəsi, olduqca güclü iradəsi, hakimiyyəti saxlamaq, dünya ictimaiyyətinə yanlış məlumat ötümək, insanları özünə tabe etdirmək, onlara ümid və qürur vermək, yeni cəlbedici dünya vəd etmək və həqiqətən bir çox yaxşı töhfələr bəxş etmək, özünü xalq iradəsinin mücəssəməsi kimi göstərmək bacarığı ağlına və reallıq hissinə üstün gəlmişdi.
O (Hitler) hesab edirdi ki, yəhudilik istənilən cəmiyyətin qəddar düşməni olaraq, başqa millətlərin qanını zəhərləyir, ruhlarını ələ keçirir, onları aldadır, yanıldır, istismar edir, mövcudiyyət uğrunda mübarizə etməkdən çəkindirir və millətləri məhv etmək vasitəsi kimi istifadə etdiyi demokratiyaya can atır.
Hitlerin baxışlarında Lapujun aşağıdakı ideyalarının təsiri hiss olunurdu: "Ədalət anlayışı - yalandan ibarətdir. Zorakılıqdan başqa bir şey mövcud deyil", "İrq və millət - hər şeydir"
"İnsanlar tarixi öyrənsəydilər, həyat tamam başqa cür olardı”.
Adolf HitlerKitabı okudu
Hitler həmişə oxumağa vaxt tapırdı. O, hətta İkinci Dünya müharibəsi zamanı da əsəblərinin gərginliyinə və səhhətindəki ciddi problemlərə baxmayaraq, əlinə hər imkan düşəndə kitab oxuyurdu.
Sayfa 207Kitabı okudu