Roman narsist nənə və ata tərəfindən həyatı boşa keçmiş, ömrü manipulyasiylarla hədər olmuş bir ana və qızı haqqındadır.
Qadınların susmalı, boyun əyməli olduğu mühitdə dünyaya göz açan Amay anasının məruz qaldığı psixoloji və fiziki şiddətlərə səssiz qala bilmirdi.
Anası Sürəyyanın etdiyi səhvi etməmək üçün özünə atasının əksi olan biri ilə uğurlu ailə qurub anasını da xoşbəxt etməyə and içmişdi.
Bir ömür aldadılaraq xəyanətə uğrayan anası Sürəyya yaşadığı həyatının yalan olduğunu öyrənir və onun üçün daşlar bir-bir yerinə otururdu. Atasının uşaqları məktəbə apararkən Sürəyyaya yolunu dəyişməyi amma, qırmızı kərpiclərlə bəzədilmiş binalardan ibarət o məhəlləyə girməyi nəyə görə qadağan etdiyini artıq anlamışdı.
Amayın anası ən azından qızının bu bataqlıqdan qurtulduğuna sevinərək ömrünü sürdürəcəkdi.