Beriya Mêrdînê
Konê ReşBeriya Mêrdînê Gönderileri
Beriya Mêrdînê kitaplarını, Beriya Mêrdînê sözleri ve alıntılarını, Beriya Mêrdînê yazarlarını, Beriya Mêrdînê yorumları ve incelemelerini 1000Kitap'ta bulabilirsiniz.
Yê bê şerm û fedî gazî birayê xwe
Yê bi şerm û fedî kir:
- çima tu wisa bi kul, xem û êşî?
Birayê wî lê vegerand:
Heger bêvla te bi şewitya
Bê gûman tê jî weke min bi kul û keser ba..
Qenco ji neqenco pirsî:
- Pepûko! çi te daye pey qevciyê û
zarokên te têr nan naxwin!
De hela tu jî weke min bike,
Tê bibîne bê çawa rewşa te xweş dibe..
Qenco lê vegerand:
- Ji ber yên weke min, yên weke te hene
Zarokên te para zarokên min dixwin
Ezê weke xwe bimînim tu wek xwe bimîne
Mane Kurdan ji mêj ve gotine:
"Qenc kiro bi xwe kiro, xerab kirio bi xwe kiro"
Dara Hinarê gazî dara Zeytûnê kir:
- Wa dara Zeytûnê !
çima tu jî xwe wek min tazî û rût nakî?
Dara Zeytûnê lê vegerand:
- Heger te zanîba bê çendî tu kirêt û
megrûdî ye, te jî xwe tazî ne dikir…
Bahozê ji rewrewkê re got:
- Bi dûrkeve, xwe bide alî,
Te xelk bizdandin bi dîtina wan
Pêlên derewîn.
Rewrewkê lê vegerand:
- Ta ko sitemkarên wek te hebin,
Wê xapînokên wek min jî hebin
De ka emê herdu xwe nema bikin?!
Doda!
Tu hebûn û nebûna minî
Tu ji hiş, bîr û
Xeyala min dernayê
çendî bi dûr kevim,
Nêzîk bibim,
Herim û bêm…
çendî bûyer û serborî
*Doda: Gundê ku Xwedê Konê Reş lê daye, li ser tixûbê Serxet û
binxetê dikeve, di navbera Qamişlo û Amûdê, Mêrdîn û Nisêbînê
de.
Biyaniyo !
Gelo tu navê vî welatî
Nas dikî?!
Ev welatê ku
çend cîranan ew
Di nav xwe de parvekirine !!
Gelek caran
Li ser şerkirine û
Nizanim çima min sare
Gelo, ev çi demsale?
Heger zivistan ba;
Wê berf û baran bibariya
Li ser van car û zinaran.
Ku buhar ba;
Wê hilm û bîna
Kulîlkên nû pişkivî bihata
Ji van daran.
Ku payîz ba;
Wê dengê qaz û qulingên mişextî
Bihata ji esmana.
Xuyaye dem havîne
Belê, çima roka vê havînê
Tînê nade?!
Gelo !
Birîna min xedare
Ew rê nade,
An kul û derd, di ser min re
Bûne sîber û talde?!