Beriya Mêrdînê
Konê ReşEn Eski Beriya Mêrdînê Gönderileri
En Eski Beriya Mêrdînê kitaplarını, en eski Beriya Mêrdînê sözleri ve alıntılarını, en eski Beriya Mêrdînê yazarlarını, en eski Beriya Mêrdînê yorumları ve incelemelerini 1000Kitap'ta bulabilirsiniz.
Nizanim çima min sare
Gelo, ev çi demsale?
Heger zivistan ba;
Wê berf û baran bibariya
Li ser van car û zinaran.
Ku buhar ba;
Wê hilm û bîna
Kulîlkên nû pişkivî bihata
Ji van daran.
Ku payîz ba;
Wê dengê qaz û qulingên mişextî
Bihata ji esmana.
Xuyaye dem havîne
Belê, çima roka vê havînê
Tînê nade?!
Gelo !
Birîna min xedare
Ew rê nade,
An kul û derd, di ser min re
Bûne sîber û talde?!
Di nav nivînan de
Di pirsên polîsan de
Ponijîm û kûr çûm…
Di pêkanîna dirav û
Perwerdekirina zarokên xwe de
Mijûl bûm û
Pêre, pêre
Kul û xeman
Ev çi dem û dewrane
xwe di bînim têde
Dûrbûn û sirgûnî yê
dibînim dirojan û rêde
kul û xem li şûn kêf û şahîyan
xwe didin hev û hin bi hin
tên bi pêde
wek rêwîyê rênenas
Wek kevokekê nivistiye
Li ser banê dilê min
Wek tabloya Monalîza
Daliqandiye li ber çavên min
Nizanim xemgînî an
Digirnijî?!
Wek kulîlkek nêrgiza nû pişkiviye
Li rastê…
Kamîran !
Ev çi ewrê reşe
Xwe di ser Qamişloka evînê re
Dikişîne..!
Ev çi xemgîniyê
Di dêmê rêwiyên kolanên
Amûdê û Tirbespiyê de
Dibînim..!
Ji mal derketim û
Gelek xwestek
Ji min dihatin xwestin;
Nan, av, xwê û derman….
Wek pîrê xemcivîn
Di kolanê de diliviyam.
çav bi jineke dûcanî ketim
Ku çar zarokan
Bi dawa wê girtine.
Li ber kilênîka textorekî
Dengê otomobîlan û xirecira xelkê jî
Digiha esmana, guhê min quldikir...
Spehiyê !
Kêlîka ez çav bi bejn û
Bala te ketim
Min xwestek jibîr kirin
Wêneyê wê jina dûcanî
Ji ber çavê min windabû û
Deng jî ji dor min biliya
Ez bûm wek rêwiyekî
Kerr û gêj û lal.