Heç bir sözlə kitabı oxuyarkən keçirdiyim hisslərimi ifadə edə bilmirəm. Çooox maraqlı idiNə qədər yazsam əsər haqqında azdı. Demək olarki əsəri oxumadım Merlin və digərləri ilə birlikdə yaşadım hər şeyi. Çünki oxuyarkən əsərdə baş verən hadisələr məni həm düşündürdü, həm güldürdü həm də kövrəltdi. Əsərdəki hadisələr elə cərəyan edirki sanki hər şey normal görsənir, lakin sonda baş verənlər hər şeyi dəyişdirir. Dedektiv kimi aydınlaşdırırdım özümdə bir hadisəni tam başa düşürdüm ki, sonrakı hadisə məni çaş baş edirdi. Kitabdakı cümlələr isə çox gözəl, axıcı, insanı yormayandı. Giriş hissəsini əvvəlcə başa düşmədim "kimdi bu Ed?" dedim öz özümə amma sonrakı hissələrdə aydınlaşdı və diqqətimi tamamilə özünə cəlb etdi. Kitabın bitməsini istəmirdim amma "görəsən sonda nə olacaq " marağı da bürümüşdü Düzü azdan çoxdan əslində nə olacağını təxmin edirdim, amma bilmirəm o həqiqəti öyrənmək istəmirdim deyə özümü düşünməyə məcbur etmədim. Sonda baş obraz ilə birlikdə ağladım çünki istəmirdim hərşeyin bitməsini. Əsərin təsirindən əminəm uzun müddət çıxa bilməyəcəm və Merlini unutmayacam. Çox uzun oldu spoiler verməyim. Oxumaq istəyənlərə şiddətlə tövsiyə edirəm!
