Deham Evdilfetahî piştî lêkolîn û denaberhevîya gelek berheman, ev destana girîng ji erebî wergerandîye ser zaravayê kurmancî.
Bêguman, girîngîya destanê ji girîngîya naveroka wê hatîye. Destanê hemû hêlên jîyana mirovan, yên sereke destnîşan kirine: Jîyana civakî, desthilatî, sitemkarî, şer û cengawerî, evîndarî, hevaltî û dostanî, xemgînî, şînkêşan, dînperestî û hwd.
Lê mijara herî girîng û balkêş, ya ku di serê her mirovî da digere, wekî ku di serê Gilgamêşî da digerîya û ew bi çolan xist, mijara mirinê ye.
