Dîdarê Yar
Şêx Şemseddînê ExlatîSözler ve Alıntılar
Car car ke tibit şeb şeb, hey hey çelebî qûm qûm
Xûş xûş tibim ez ’heb ’heb, hey hey çelebî qûm qûm
Sotim ji ’xemê mûmû, ta çendî biçim sû sû
Ey dostê were zû zû, hey hey çelebî qûm qûm
Me’hbûb ke vehat xeh xeh, te dilim kir hareh reh
Dîsan xweşim ez weh weh, hey hey çelebî qûm qûm
Hûn lêm negirin zewq zewq, yêkcarî bûyîm şeq şeq
’Heq maye tinê ’heq ’heq, hey hey çelebî qûm qûm
Drama Xwedîyê Kera Mirar Buyî
Geh li ser min ew tibû bar, geh tibûm ez liwî siwar
Her libû tekrîmê car car, ku kerê min par mir
Geh li min ’xaîb tibû ew, geh li balim bû, bû yek cew
Nû hesaim xûş tikim xew, ku kerê min par mir
Ev çi remz û ev çi ker bû, ev çi ’hal ev çi ne’zer bû
Min li xû evrû çêtir bû, ku kerê min par mir
Ker mir û ez bûm bi tazî, nûke dil ’xemgîn tixazî
Ta nekim ez lehû û bazî, ku kerê min par mir
Wey kerê min mir ji birsê, wexte lê pinkêvim ’ersê
Bûme eymen ez ji tirsê, ku kerê min par mir
Wey kerê min wey kerê min, vervî û hem la’xerê min
Xûş vebûn derdê serê min, ku kerê min par mir
Wey mixabin derdrêjim, kes nizanî kez çi bêjim
Histiran ez lew tirêjim, ku kerê min par mir
Dîsan ji ’xemê ’işqê, ez bê ser û bê payem
Mecnûnim la ye’iqîlû, dêwane û sewdayem
’Işqê ku ’ulû kerde, ’aqil ji serim borde
Bê navim û bê dengim, bê ’arim û rûswayem.
Ezim rindê xerabat, nizanim bi çi ’halim
Ne ’sofî û ne rindim, ne kufr û ne misilman
Hey hey çelebî qûm qûm
Saqî kû tibit ew ew, ’xem her tirijin dew dew
Nesîm vetidin hew hew, hey hey çelebî qûm qûm
Kûnde tibêjit qo qo, hûd hûd xu tibê po po
Ez her tibêjim ho ho, hey hey çelebî qûm qûm
Histir kû tiçin şet şet, sakin ne tibin qet qet
Seyran tikinê pet pet, hey hey çelebî qûm qûm
Derdim ji tebin tex tex, mûnşeqqe dilim rex rex
Dîdar me tivê ex ex, hey hey çelebî qûm qûm
Her geh ketibî car car, firyad tikim ez zar zar
Daim tibêjim yar yar, hey hey çelebî qûm qûm
Ey dostê bike lez lez, balim vebibez, bez bez
Sûhtim ji ’xemê ez ez, hey hey çelebî qûm qûm
Pisyar tikim ez rê rê, cada kû ’hebîb tê tê
Bîkan kû demek bê bê, hey hey çelebî qûm qûm
Ey xelwetî ta çend çend, qiflan li te kin bend bend
Bitgêrin li te gund gund, hey hey çelebî qûm qûm.
Ez xumarim baqerarim rûzû şev
Dûr ji yar im lew tizarim, bûl bilî
Serc û fendim, mest û rendim daîmen
Derdmendim, dil tibendim, bûl bilî
Dil ’xerîbest ’endelîbest dostê gûl
Yar ’hebîbest ew ’tebîbest, bûl bilî
Ez cinûnem, ’xerqê xûnem, malxirab
Zerd gûnem lew zebûnem, bûl bilî
Ez helakem derdnakem, xestedil
Nezcê xakem rû’h pakem, bûl bilî
Derdê ’xemê dilest û bes, bak nedîrem ez ji kes
Kû hat’neme dîsa hewes, wey kû bibêm wey kû nebêm
Dîsa sera ser ateşim, ’aşiqê rûyê dilkeşim
Mest û xerab û serxweşim, wey kû bibêm wey kû nebêm