Ev Çiya Rûspî Ne
Arjen Arîİletiler
Kurdish readings
kürt edebiyatı denilince "mehmed uzun" dışında kimse kürtçe yazmadı sananlar ve kürt edebiyatı denilince akıllarına "ahmed arif" ile "yaşar kemal" gelenlere umarım birazcık da olsa faydası olur bu listenin.
ayrıca bir türk olarak söylemek gerekirse 1000 yıldır beraber yaşadığımız bir ırkın edebiyatını bilmemek
Dîmenek, çîrokek, helbestek
...
gazina min heye ji darparêzan
ji xwezahijan bi gazin im
gilî birime ber destê çinarê;
qajê vê êvarê esker aniye Sîsê
dara berûyê me
qahr para min e
şewt para min e, birrîn para min e
dibêjin min jî, tu dijmin e!
li Cûdî şîn hatibim, bilind bûbim li vê axê
ma guneh yê min e?!
-ahê vî çavî ji yê din re namîne-
nêzî bahrê ye qaj, li dorê havîn e
hema silavekê jî naşîne
min fam kir ew qaj e, ez dara berû me;
qir û qelan xema wê nîn e!..
Arjen Arî
Jêrenot
Qaj: çam, li vir bi mecazî tirk.
Ev Çiya Rûspî Ne
Hewar!
xec sor î soring vebûbin
fenek e gwînên wan; xwîn in xwîn!
nêrgizên stûxwar bi lûlan gevizîn
û beybûn peritîn bi destê neyar!
Arjen Arî
Ev Çiya Rûspî Ne
Çûbe...
zeman xezaleke bezok e
temen hespek e, rehwan
bihurî li yek tûşê
revand ciwaniya bêrişm û serberdayî!
bihêreşan bû
bipîkol
û beza...
hespeke kehêl kê dîtiye, westiyayî!
nekete tu qeydan, merbedan negirt
her li sînorê dilê te dixist;
beytûşe
û beredayî!
çûbe temenek e -gorî çavên te-
deriyê dil vekirî ma, heta dawî radayî
çend helbest meyan di şîrikahiyê de
hemû evîn li sînorekê diqediyan;
di deşta payîzê de dîsa tu bi min re mayî!
Arjen Arî
Ev Çiya Rûspî Ne
'Ehzeme allahû ecrekûm'
dilşikestî ye Ziving
û payîza dawî
rêwî
xembar in li pêrgîniyê:
porê wî berfa Cûdî
ne piyan
Kol î poşman
bi parsê ketibim
li kolana te evdal
li devderiyê te qereçî
têr bike vî dilê birçî
keçê, ka maçekê!
tê bidî ji gerdenê bide
ji keviya hinarkê
ji kaniya lêvê
te bivê dibim mêvan
te bivê şevê dikim deman
te nevê, vedigerim ji devê derî
dest-vala
û
kol î poşman!
Arjen Arî
Ev Çiya Rûspî Ne
Dilê'm, tu derwêşek î
Dilê kê seh dikî,
qesîda te betal e!
Arjen Arî 
Ev Çiya Rûspî Ne