Xalqın qayğısız və tənbəl olduğunun fərqinə vardım. Onlar üçün özümü fəda etməyə dəyməzdi. Nahaq yerə onları oyandırmağa və ayıltmağa çalışmışdım.
Yoxsa insanların həqiqətin nə olduğuna maraq göstərdiklərinə inanırsan? Heç veclərinə belə deyil! İstədikləri ancaq rahatlıqlarının pozulmaması və xəyal güclərini canlandırmaq üçün uydurulmuş nağıllardan ibarətdir. Ya da kimin haqlı, kimin haqsız olduğunun onlar üçün əhəmiyyət kəsb etdiyinimi fikirləşirsən? Əsla! Yetər ki, onların zavallı istəklərinin bir qismini yerinə yetirəsən. Artıq özümü boş xəyalların ağuşuna atmaq istəmirdim. Madam ki, insanlıq budur, onda mən də ülvi məqsədlərimə çatmaq üçün bundan istifadə edəcəkdim!
Kütlə həmişə belədir deyə Ömər bildirdi, qeyri müəyyənlikdən hər zaman qorxar, ona görə də yalanı əlçatmaz həqitdən üstün tutar. Üstəlik bu yalanlar nə qədər ülvi və uca olsalar qiymətləri də o qədər artar.