Meremê Dilê Kurd kitaplarını, Meremê Dilê Kurd sözleri ve alıntılarını, Meremê Dilê Kurd yazarlarını, Meremê Dilê Kurd yorumları ve incelemelerini 1000Kitap'ta bulabilirsiniz.
DIQURÇIMIN GULÊ TE
Ax, Kurdistan, Kurdistan,
Li te derd in, zivistan,
Dil te bûye kêlê xûn,
Ewledê te qeyd, basxûn...
Li serê rya û dirba,
Xurê 'erdê û tirba...
Li nava şer û cengê...
Ber birûsk û merg, çengê...
Ax, Kurdistan, Kurdistan,
Li te te'rî ye, te'ristan,
Ji dest derd û kulê te
Diqurçimin gulê te...
Şikoyê Hesen
CABA MÊRKÎMÎ
Siltan Hemîd gote Kurmanc:
Min standye we text û tac,
Hûn hîştine bêxwey-xudan,
Bê dewlet, bê extyar û bac.
Kurmanc go: "Em heta sax in,
Ber siltana qe danaxun,
Em ê rokê 'esê rabin,
Ser kelê te Weten raxin..."
Şikoyê Hesen
caba mêrkîmî: cewabdayina mêrane ya bêtirs û xof;
'ese: miheqeq, bêşik.
Bi sêr û surr e,
Cewahir, durr e
Zimanê kurdî…
Bi xemil, rewş e,
Şîrin û xweş e
Zimanê kurdî…
Bi nexş-awaz e,
Letîf û naz e
Zimanê kurdî…
Gewgewê çyan e,
Kubra teyran e
Zimanê kurdî…
....