Ne Şev Têra Xewnên Min Dike-Ne Roj Têra Xemên Min
Mueyed TeyibNe Şev Têra Xewnên Min Dike-Ne Roj Têra Xemên Min Sözleri ve Alıntıları
Ne Şev Têra Xewnên Min Dike-Ne Roj Têra Xemên Min sözleri ve alıntılarını, Ne Şev Têra Xewnên Min Dike-Ne Roj Têra Xemên Min kitap alıntılarını, Ne Şev Têra Xewnên Min Dike-Ne Roj Têra Xemên Min en etkileyici cümleleri ve paragragları 1000Kitap'ta bulabilirsiniz.
Ez nizanim,
Tu jin î
Yan cameka tije mey?
Tu kî bî
Musilman bî
Kiristyan bî
Êzidî bî
Bozî bî
Cuhî bî
Bê dîn bî
Yan li ser her dînekê dî bî
Eger tu mirov bî:
Silav!
Eger tu hov bî:
Goştê min nayê xwarin.
Evê sed sal in
Birîna min agir e û
Xwîna min tofan
Ne şev
Têra xewnên min dike
Ne roj
Têra xemên min
Şev.. Roj.. Şev.. Roj
Ey Xudayê mezin!
Ji şev û rojê pêvetir
Tiştek din nîne?
Axê devê xwe anî ber guhê min: Belê, himbêza min
Di himbêza min da
Ne şev hene ne roj
Ne cih hene ne dem
Ne xewn hene
Ne xem
Eve sed sal in,
Ez bi tenê me.
Eve sed sal in,
Esmanê min bê roj e û
Axa min bê baran
Evê sed sal in
Birîna min agir e û
Xwîna min tofan.
Hêşta kesekê jî,
Serhatiya min
Nekirye roman.
Barê wî kevir û
Rêka wî pesar e
Çîroka wî
Efsaneyeka zivêr û pir azar e
Bes Xudê dizane
Ew çendê
Ji xwe û kevrê xwe bêzar e
Lê esman
Ne ji azarên wî têr dibe
Ne ji bêzariya wî zivêr dibe
Her careka
Kevirê wî girêl dibe û
Efsaneya wî bi dawî tê
Ziyos
Wek zarokekê şad Gazî dike:
Dubare!
Eve ji wê şeva
Serê te
Li ser balgehê min nemay
Rojê man girtî û
Li pişta çiyayê Qaf
Di gewriya ejdehayê şevê ra may
Ger şevekê ji nişka ve
Dunya ronî bû
Her gaveka,
Ez te dibînim,
Bi te mest dibim
Ez nizanim,
Tu jin î
Yan cameka tije mey
***
Adem..
Ji axê çêbûye
Iblîs..
Ji agirî
Ez..
Ji keviyeka berfê û
Tu jî
Diyar e ji ûşiyekê tirî
"Bo ‘Ayişa Taha Osman
û hemî dayikên şehîdan"
Sê kurrên wê pêkve di çirkeyekê da şehîd bûn.
- Noke bo min
Çi tiştek ji mirinê aramtir heye?
Çi tiştek ji jiyanê bijantir heye?
Lê ez bimirim
Kî dê şîna we bigêre?
Ez bimirim
Kî dê bi bejn û bala we bibêje?
Ez bimirim
Kî dê rondikên kel,
Li ser kêliyên we birêje?
Ez dê jîm.
Dayika wan pê li dilê xwe kir û got.
buharvano, çi buhar e
ger buhar bît, çi hewar e?
çi şînî û çi zêmar e?
binefş û nêrgiz çirmisîn..
ka buharvan lê nepirsîn?
perî û zerî ji warî dizîn
ka buharvan lê nepirsîn
gerdenêt law
di xilfa sêdarê da rizîn
ka buharvan lê nepirsîn.
buharvano
buhar nîne
me ya dîtî buhar şîn e
ne ya sor e tijî xwîn e!