Əsərin mövzusu Kərbəla hadisəsinin təhlilidir. Necə oldu ki, Peyğəmbərin vəfatından 50 il sonra bu hadisə baş verdi? Buna təkan verən səbəblər nə idi?
Burada biz Peyğəmbərin vəfatından sonra hər şeyin yavaş-yavaş dəyişdiyinin şahidi oluruq. Hətta Peyğəmbərin vəfatına yaxın və vəfatı dövründə yaşananlara baxdığımız zaman bu faciənin təməllərini görə bilirik. Təbii ki, heç nə birdən birə yaranmır. Əvvəl təməli qoyulur, sonra da pillə-pillə artır. Siz bu kitabda 50 ilin təhlilini, həmin dövrdə yaşayan tanınmış şəxsiyyətlərin xarakterini, bir çoxunun isə bir zamanlar Peyğəmbərlə çiyin-çiyinə döyüşüb 50 il sonra isə əziz nəvəsini qanına qəltan etdiyini görəcəksiniz. Bu insanlar necə dəyişdi? Necə oldu ki, Yezid kimi biri Peyğəmbər kürsüsündə əyləşdi? Bu və bir çox sualın cavabını burada tapa bilərsiniz
Əlavə olaraq bunu da qeyd edim ki, bu hadisə barədə geniş məlumat əldə etmək istəyirsinizsə, Peyğəmbərin həyatından başlayaraq bir çox kitablardan istifadə etməlisiniz