Li ser rêzimana kurmancî heta niha gelek xebat hatine kirin. Van xebatan, rê li pêşîya zimanî vekirîye û ew anîye qonaxa îro. Lê ziman jî wekî mirovan zindî ye û pirs û pirsgirêkên wî jî hene, lazim e di vî warî da mirov qet nesekine û her bixebite.
Di vê pirtûkê da, hemû mijarên rêzimanê bi awayekî berfireh û bipergal hatine vegotin. Li ser paşgirên kurmancî, rayekên lêkeran, zayenda peyvan, çewtîyên vegotinê, daçek û gihanekan, li ser lêkerên birist û bêrist xebatine berfireh hatine kirin. Herweha li ser pirs û pirsgirêkên rêzimana kurmancî jî gelek xal hatine destnîşankirin.
