V ə z i r. Ayağı çarıqlı kiçik bir ölkə
Böyük Firdovsilər yaratdı bəlkə?..
V a q i f. Dayan! Bu bağçanın hər bir budağı
Üstündə min çiçək, min gül bitirmiş,
Sizin güldüyünüz çoban torpağı
Nizamilər, Füzulilər yetirmiş!
Q a c a r (kinayə ilə.) Nizamiyə bax... Füzuliyə bax...
V a q i f. Günəşi örtsə də qara buludlar,
Yenə Günəş adlı bir qüdrəti var.
Q a c a r. Görünür, Günəşə iştahan vardır.
V a q i f. Günəşdən gizlənən yarasalardır...