d
Dan ulduzum
1 üyeTakip
Dan ulduzum.Dan ulduzum
Bu qaranlıq gecə nə qədər sürdü,
Yetiş imdadıma, ey dan ulduzu!
Barı sən gəl, mənə yuxu gəlmədi,
Yetiş fəryadıma, ey dan ulduzu!
Qudurğan qasırğa, çarpaşıq yollar,
Yolumda zülmət var, uçurumlar var,
Yetiş ki, ömrümün karvanı ağlar,
Aman, gəl dadıma, ey dan ulduzu!
Bu sönük ulduzlar məni aldadır,
Süzgün gözlərinlə gəl onu andır,
Gözlərim yolunda, üzüm haqdadır
Aman, sən yox demə, ey dan ulduzu!
Əhməd Cavad
Dan ulduzu istər çıxa göz yalvarı çıxma
O çıxmasa da ulduzumun yoxdu çıxarı.
Eşqin ki qərarında vəfa olmayacaqmış
Bilməm ki təbiət niyə qoymuş bu qərarı...
Məhəmməd Hüseyn Şəhriyar
Uzaqda dan ulduzu kimi parlayan sevdiyin qadın var, amma elə o ulduz qədər də uzaqdır sənə.
Ey Dan Ulduzum!Dan ulduzum
Qaranlıq gecədə səni gözləyib
Durmaqdan yoruldum, ey dan ulduzu!
Uzaq üfüqlərə göz gəzdirməkdən
Az qala kor oldum, ey dan ulduzu!
Öksüz taleyimtək gecikdin nədən?
Karvanqıran doğdu, görünmədin sən.
Oxşatdım, yanıldım, könül verdim mən,
Bilmədən vuruldum, ey dan ulduzu...
Arxasınca qoşdum sonsuz bir yola,
Hər addımda tuş gəlincə bir kola,
Qaranlıqda çox baxındım sağ-sola,
Hər yana buruldum, ey dan ulduzu!
Büsbütün yorulub gücdən düşərkən
Bir ulduz parladı uzaq üfüqdən.
O görünən səndin, artıq gəldin sən,
Axır səni buldum, ey dan ulduzu!🌟
Cafer Cabbarlı
Sevdiyin gül milyonlarla ulduzdan yalnız birində olsa belə xoşbəxt olmaq üçün ulduzlara baxmağın kifayətdir...✨
Balaca Şahzadə
“Vəfaya məktublar”Dan ulduzum
Ey qubarlı ilk eşqimin təranəsi,
dinlə məni!
Gəncliyimin neçə çayın o tayında,
Neçə dağın o üzündə
mürgüləyən xatirəsi,
dinlə məni!
Ürəyimin bu dünyaya ilk sualı,
ilk nidası, ilk xitabı,
dinlə məni!
Gecələrin yuxusuzu,
Gündüzlərin narahatı,
dinlə məni!
Taleyimin dan ulduzu,
dinlə məni!
Ey dəlisov illərimin susmaz səsi,
Dodaqlarda dolaşan bir nəğməm varsa -
Onun ruhu,
onun canı,
nəşidəsi
dinlə məni!
Hidayət