Dîvân-ı temyîz ile mümeyyiz-i hukûk ve da'vâ-yı mecâlisinin ta'rif-i mu'âmelâtı hakkında şerefvarid olan 60 Cemadiyelahire sene 89 târihlü emirnâme-i sâmi-i cenâb-ı vekâletpenahinin sûret-i münîfesidir
Bundan evvel ba'zı vilâyetlerce icrâ kılınan tegayyürât cümlesinden olarak vilâyet merkezlerinde temyîz divanlarının lağvıyla anların yerine hem mahkeme-i ibtidâîye ve hemde istinâfiye olmak üzere mahkeme-i merkeziye namıyla birer mahkeme-i kebîre teşkîl ve te'sîs tasavvur olunarak bu te'sîsâta mukaddema ve tecrübe olmak içün Selânik ve Amasya ve İzmir'de ol vechile birer mahkeme-i merkeziye küşâd olunmuş ve reis ve kâtibleri buradan ta'yîn ve irsâl kılınmış olub vâkı'a-i sâye-i ma'deletvâye-i hazret-i pâdişâhîde halkın en ziyâde mazhar-ı adâlet olacakları esbâb ve vesâili aramak devlet ve hükümetin birinci vazîfesi olmasıyla şu mahkemelerin te'sîsi dahî böyle bir mülâhaza üzerine bina edilmiş ve bunda hüsn-i inzibât ile berâber masrafça ba'zı
(satır yok)
addolunmuş ise de bunlar için ta'yîn kılınan vazîfe iktizâsınca bir mahkemenin hem bidâyete ve hemde istinâfa rüyet-i da'vâ etmesi ve bununla berâber îlâmâtın mümeyyizi salâhiyetini dahî hâiz olması mehâkim içün mevzû' olan kâ'ide-i aslîyeye mugâyir olduğundan başka sûret-i tertîb ve teşkîlleri dahî kazalarda ve sancaklarda bulunan mecâlisin vaz'iyetleriyle mütenâsib olduğuna ve bu cümle ile berâber bunların reis ve ketebesi içün tahsîs olunan maaşların mikdârı merkez vilâyetde mevcûd mehâkim me'mûrlarının muhassesâtından ziyâde olmağla ümîd olunan menfa'at-ı tasrifiye dahî hâsıl olamamış idüğüne bina-i keyfiyet encümen-i mahsûs-u vükelâda müzâkere olundukda vilâyât nizâmatı iktizâsınca her kazâda deâvî ve sancak başlarında temyîz-i jukuk ve merkez vilâyetde divan-ı mümeyyiz namıyla birer meclis te'sîs olunub kazaları
