Kitabda toxunulan məsələlər insanı düşünməyə sövq edir . Nəticə hissə mənə çox təsir etdi . Kitab sevgi və məhrumiyyətdən, şöhrətdən , nə əvvəlki mühitinə qayıda nə də yeni düşdüyü burjuaziya mühitinə özünü aid hiss etməyən , sözün əsl mənasında boşluğa düşmüş ,onu əhatə edən onlarla insanın içində tənha qalmış Martindən söhbət açır . Aydın olur ki məsələ ətrafındakı insanların kəmiyyətində deyil. İnsan onu başa düşməyənlərin arasına tənhalaşır. Bundan əlavə, Cek London" insanı məhəbbət nə qədər dəyişə bilər ? " "Uğura gedən yolda nəticəyə yoxsa yola mı adaptasiya olmaq lazımdı ?" suallarına cavab verir . Hər birimizin müəyyən məqsədləri var ,amma o məqsədə gedən yolda həyatı , yaşamağı unutmaq lazım deyil. Burada şəxsi düşüncələrimi, çıxardığım nəticələri paylaşdım. Xoş mütaliələr.
