Padre , amma mən yenə də ölmək istəmirəm! Mən hər şeyə dözmüşəm,öz qəlbimi səbirlə möhkəmlətmişəm; çünki yenə də həyata qayıtmaq ,yenə də sizin Allahınızla müharibə elan etmək istəyirdim...
Elə bir adamı ki ,aclıq çəkib,onu ayaq altına alıb tapdalayıblar,onun üzünə tüpürüblər , o əl açıb dilənib, kif basmış yemək tör töküntüsü istəyib,lakin bunu da verməyiblər,çünki bu şeyləri yemək itlərin haqqı idi . Ah ,mən bunları sizə nə üçün deyirəm ? Sizin sayənizdə başıma gələn müsibətləri saymaqla qurtarmaz . İndi də durub məhəbbətdən dəm vurursunuz! Bu çox böyük bir məhəbbətdirmi ? Bu məhəbbətdə elə bir qüvvə varmı ki ,ondan ötrü etiqadınızdan əl çəkə biləsiniz ? İsa sizdən ötrü nə eləyib, hə ? O sizdən ötrü olmazın əziyyətlər çəkib ki , siz onu məndən çox istəyirsiniz! Siz onu yaralanmış qolları üçünmü sevirsiniz ? Onda mənim qollarıma baxın ! Buna da baxın ! Buna da ! Buna da !
Ayılın,gəlin ,yenidən yaşamağa başlayaq ! Padre , mən həmişə sizi sevmişəm, həmişə ! Hətta siz məni öldürəndə də sevmişəm! Yoxsa bir də məni öldürmək istəyirsiniz?