Necibe Qasımzade
@nadjibaaa
Dm baxmıram.!
insta- instagram.com/nadjibaslibrary...
Şu anda okuduğu kitaplar
Hasarın o tayında…Hələ də sağam. Əgər buna sağ demək mümkündürsə…1000Kitap
Hasarın o tayında…Hələ də sağam. Əgər buna sağ demək mümkündürsə…
İlk kitab mənə daha təsirli və maraqlı gəlmişdi.
Hekayənin başlanğıcından Bişopun geri qayıdacağını hiss edirdim. Ailəsi nə qədər qarşı çıxsa da, o, Ayvidən vaz keçmədi və sonda yenə də onun arxasınca gəldi. Bu, onun hisslərinin nə qədər güclü və qərarlı olduğunu göstərirdi. Ayvinin isə kitabın əvvəlində yaşadıqları insanı həqiqətən sarsıdır o qədər çətinlikdən keçdi ki, bəzən oxuyarkən yorulduğumu hiss etdim. Buna baxmayaraq, həm Ayvi, həm də Bişop güclü və dözümlü xarakterlər kimi yadda qalır.
Kitab boyunca Mark və Ayvinin bacısı Kalli məndə mənfi təəssürat yaratdı, demək olar ki, hər səhnədə onlara qarşı bir nifrət hiss edirdim. Ən çox sevdiyim obrazlar isə Eşli və Kaleb onların səmimiyyəti və dəstəyi hekayəyə ayrı bir istilik qatırdı.
Sonluğa gəldikdə isə, ən azından onların xoşbəxtliyə çatdığını görmək içimdə bir rahatlıq yaratdı. Bütün yaşananlardan sonra belə bir sonluq oxucuya bir növ təsəlli verir.
Reklam
“Kiçik Qadınlar” əsəri dörd bacı Meg, Beth, Jo və Amy’nin həyatından bəhs edən, ailə dəyərlərini oxucuya çatdırab bir kitabdır. Hər bir bacının özünəməxsus xarakteri və dünyagörüşü var və bu, oxucuya müxtəlif həyat dərsləri qazandırır.
Kitabda ən çox diqqətimi çəkən məqam hər hadisədən bir nəticə çıxarmaları, qarşılaşdıqları çətinliklərdən dərs götürərək böyümələridir. Düşünürəm ki, bu kitab hər yaş kateqoriyasından olan oxucular üçün uyğun olub, hər kəs özünə yaxın bir obraz tapa bilər.
Şəxsən mənim ən çox sevdiyim obraz Jo oldu. Onun azad ruhu, güclü xarakteri və çətinliklər qarşısında sınmaması mənə çox təsir etdi. Jo nə qədər çətinlik yaşasa da, hər vəziyyəti ağılla idarə etməyi bacarır və heç vaxt mübarizədən vaz keçmir. Bəzi xüsusiyyətlərinə görə özümü ona yaxın hiss etdim.
Əsər yalnız bacıların həyatını deyil, eyni zamanda yaşadıqları dövrün ruhunu da əks etdirir. Qəzetlər, məktublar, teatr səhnəcikləri və gündəlik həyatın detalları oxucuya o dövrün atmosferini hiss etdirir. Atalarının müharibəyə getməsi, March ailəsinin maddi çətinliklərlə üzləşməsi isə hekayəni daha da maraqlı edir. Buna baxmayaraq, onların çətin şəraitdə belə başqalarına yardım etmələri, mərhəmət və paylaşma duyğusunu qoruyub saxlamaları əsərin ən təsirli tərəflərindən biridir.
Hüseyn Cavidin “Ana” əsəri Dağıstan həyatı ilə bağlıdır. Əsərin baş obrazı Səlma ana mərd, qürurlu bir qadındır. Oğlu Qanpolad İsmət adlı çərkəz qızı ilə nişanlıdır. Amma İsməti Orxan adlı bir oğlan da sevir və onları ayırıb özünə həmdəm etmək istəyir. İsmət isə məhəbbətindən dönmür. Orxanın təkidi ilə Qanpoladı öldürən Murad Səlma ananın evində gizlənir. Səlma ana onu qonaqpərvərliklə qarşılayır. Oğlunun qatili olduğunu biləndə isə intiqam hissi baş qaldırır. Amma xalqın adət-ənənəsinə görə evə sığınan qonağa hörmətsizlik edilmir. Ananın mərhəmət hissi intiqam hissinə qalib gəlir.
Müharibənin qaranlığında bir balaca qızın gündəliyinə sığan acı həqiqətlər…
Bu kitab sadəcə bir hekayə deyil insanlığın bəzən necə susduğunun sübutudur…
Balaca bir qızın qələmindən çıxan bu sətirlərdə aclıq, qorxu və gizlənərək yaşanan çətin günlər var. Oxuduqca nəfəsin daralır, hər səhnə göz önündə canlanır…
Amma bütün bunlara baxmayaraq, o qız Anna Frank ümid etməyi, xəyal qurmağı heç vaxt dayandırmadı…
O susmadı.
Və illər keçsə də, biz hələ də onun səsini eşidirik…
Sizə gənc yazar Bəhram Əhmədin “Vorkuta əkizləri” kitabından bəhs etmək istəyirəm.
Əsər gənc polis Viktor İvanovun Moskvadan Vorkutaya sürgün olunması ilə başlayır. Viktor Vorkutaya çatar-çatmaz ard-arda cinayət hadisələri baş verir və baş qəhrəmanımız bu hadisələrin üstünü açmaq üçün əlindən gələni edir.
Kitab axıcı və başa düşülən dildə yazılıb. Obrazlar isə sanki xüsusi seçilib hər biri öz yerində və inandırıcıdır. Ən çox Mixaylov obrazına üzüldüm…
Amma kitabın sonluğu məni açıq-aşkar şoka saldı. Qatil heç düşünmədiyim biri çıxdı. Kitab mənə əsl tərs köşə etdi
Məncə bu hekayənin ikinci hissəsi mütləq olmalıdır.
Gənc yazara uğurlar arzulayıram
Reklam