Ağlım və qəlbim hər nə yaratmaq istəsə də, qoy sənə ithaf edilmiş olsun, ey mənim dərdlərimin şəriki.
Fikirlərimiz bir çox cəhətdən müxtəlif olsa da, qəlbimiz birdir, buna görə də sən mənim dostumsan.
..."Təbiəti hiss edən gözümdən pərdəni götürsəydilər, mən xoşbəxt olardım"...
...düşüncə səbirsizliyin quludur.
Mən hiss edirdim ki, hər bir kəs özü kimi insanların xoşbəxtliyi üçün çalışa bilər. Sənin oxuyacağın həmin əsəri yazmağa məni sövq edən bu düşüncə idi.
...Lakin insanı son nəfəsinədək tərk etməyən ümid bizə qüvvət verirdi, biz də mümkün qədər bir-birimizə ürək-dirək verirdik.
Fasiləsiz surətdə göyə baxsam, ayağımın altına baxmasam, tezliklə büdrəyər və palçığa düşərəm.
Nəqqaşlıqdan yalnız hissləriniz deyil, əqliniz də həqiqi zövq alar.
...Ah, ey təbiət, insanın doğulduğu ilk gündən etibarən sən onu kədərlə əhatə etmiş, onu bütün ömrü boyu qorxu, qəm və qüssənin sərt dalğaları ilə sürükləyərək şadlıq üçün ona yuxu bəxş etmisən. Yatdın hər şey qurtardı.
Zəhmət çəkən öz əməyinin bəhrəsini görməyə layiqdir...
...öz yaradıcılığı ilə heç olmasa bir nəfəri belə maarifləndirən yazıçı xoşbəxtdir, bircə qəlbə də xoş əməl toxumu səpə bilmiş olsa, xoşbəxtdir.
...Son dəqiqələrdə dünyadan çəkildiyimiz və qarşıda əbədiyyət açıldığı bir zamanda insanlar arasında süni surətdə yaradılmış dərəcə fikirləri silinib aradan qalxır. Belə bir zamanda insan sadəcə bir insan olur.
...İndi hiss edirəm; son saat çatdı; mən öldüm; hərəkət, həyat,duyğu, fikir-hər bir şey bir anda yox olur.
...dərdlini sevindirməkdən qəlbiniz zövq alar.
Dünyada doğulmuşların hamısı bərabərdir. Hamısının eyni əzası, hamının əqli, iradəsi vardır...