Rāh-ı ʿaşḳuñda ebed tiġ-ı belādan dönmezem
Ṭurmuşam evvel olan “Ḳālū Belā”ya yā ʿAli
Mātem-i evlāduñı yād eyleyüp ḳan aġlasam
Seyl-i eşkümden varur ʿālem fenāya yā ʿAli
Nice yutmadı felek efʿisi aʿdāyı Ḥasan
Zehr ile cān virdügi sāʿat Ḫudā’ya yā ʿAli
Rūz-ı maḥşer ḫavf ḳılmadı mı ḳahruñdan Yezid
Böyle ḳıldı şāh Ḥüseyn-i Kerbelā’ya yā ʿAli
Çün alup deryā-yı ʿaşḳuñdan vużūyı eyledük
İḳtidā Zeynü’l-ʿİbād-ı pişvāya yā ʿAli
ʿAynumuz ṣāf eyledi iksir-i ʿaşḳı Bāḳır’uñ
Ḳalb-i ḫāliṣ birle irdük kimyāya yā ʿAli
Ḫāk-pāy-i Caʿfer-i Ṣādıḳ’dan urduḳ çünki dem
Maḫzen olduḳ gevher-i ṣıdḳ u ṣafāya yā ʿAli
Rūyumuzla ravża-i Kāẓım’da ferrāş olmışuz
ʿAbd-i memlūküz der-i Mūsā Rıżā’ya yā ʿAli
Cān ile olduḳ Tâḳî ile Naḳi’nün çākerţ
Ḫaylţ müştāḳuz ol iki mehliḳāya yā ʿAli
Tiġumuzla ʿAskeri’nüñ düşmenin ḳatl eylerüz
Arḳa virüp Mehdi-i ṣāḥib-livāya yā ʿAli
Ḫāricinüñ nice nice urmışuz boynuna tiġ
Şāh-ı berr ü baḥr ile varup ġazāya yā ʿAli
Düşmenüñe Ẕü’l-fiḳāruñ gibi ursuñ kendüyi
Sen ḳafādār ol bu ʿAşḳi mübtelāya yā ʿAli
ʿĀşıḳa Baġdād ıraġ olmaz meseldir ḳapuña
Vaḳtidür kim yüz sürüp varam duʿāya yā ʿAli
Göñlümüñ abdālını redd itme esrāruñ ḥaḳı
Rūz-ı maḥşer ḳıl naẓar ol bi-nevāya yā ʿAli
