Salbina Bunyatova
@salbinaslibrary
Şu anda okuduğu kitaplar
Yucin müvəffəqiyyət və uğursuzluğun metafizik cəhətini unutmuşdu, bəlkə də, bu barədə heç nə bilmirdi. O bilmirdi ki, “insanın qiyməti elə özünə verdiyi qiymətdir". Çünki əsas insanın həqiqətdə nə cür olduğu deyil, özünü nə cür təsəvvür etdiyidir. Bunun nə üçün belə olduğunu biz bilmirik, lakin bu hissin başqalarına keçməsi inkaredilməz bir faktdır.
Reklam
Şöhrət xülyası! Bütün xülyalardan ən aldadıcısı olan bu xülya nə kimi yüksək fikirlər, nəşə yaradan hərəkətlər və qızğın səylər doğurur! Hansı bəşər ürəyi bu bataqlıq odunun aldadıcı işığı ilə cəzb olunmur?! Lakin gözəllik və bahar tonqallarının ətrini saçmaqla bu xülya gənc ürəklərdə xüsusi parlaqlıqla yanır. Çünki həyatın bu dövründə böyük adamların dünyaya saldığı kölgələr, gözəl, cazibədar xülyalar, sabit həqiqət kimi görünür. Bu dövrdə şöhrətin ayrılmaz yoldaşları olan rahatlıq, rifah, şirin xəyallar arzusunda olduğumuz zəfər şəfəqləri bizə mümkün bir şey kimi görünür.
Şöhrət gözəlliklə və səhər şəfəqinin təravəti ilə nəfəs alır. Şöhrət - bu həm gül ətri, həm zərif parçaların yumşaqlığı, həm gəncliyin incə qızartısıdır. Oh! Biz bu şöhrəti saçlarımıza dən düşən, üzümüz mübarizələrin izi olan qırışıqlarla örtülən, uzun illərin gərginliyi, ümidsizliyi və kədərindən gözlərimiz torlaşan zaman deyil, şöhrət üçün şirin-şirin xəyala daldığımız zaman əldə etsəydik! Həyatın ilk çağında, alqışlar və təbriklər içərisində yeridiyimiz zamanda, məhəbbət gənc ikən, inamlı ikən dünyanı fəth edə bilsəydik. Hələ cavan və sağlam ikən özünü gənc duymaq və bəşəri məhəbbət hiss etmək - bu nə gözəl xəyaldır!
Səmada yüngül, tünd-qırmızı rəngə boyanmış bulud, sular aynasında oyanan ay, gözəl, yarımçıq qalmış yuxunun xatirəsi - gənclikdə, ancaq gənclikdə şöhrət bu deməkdir.
İnsanın hissləri tez-tez təkrar olunan təəssüratın təsiri altında sürətlə kütləşərsə, alışmadığı gözəllik və nəfəsliyi şişirtmək də onlara xas olan bir şeydir. Bir şey yenidirsə, deməli, əvvəl olanların hamısından yaxşı olmalıdır. Özümüzü əhatə etdiyimiz xarici aləm həyata olan münasibətlərimizi necə tez-tez dəyişir! Bir adam kasıbdırsa, varlanmaq sanki onu müvəqqəti olaraq xoşbəxt edir. Əgər yad görüşlü adamlar arasındadırsa, əlverişli mühitə düşdükdə bir müddət düşünməlidir ki, onun bütün çətinlikləri həll olunub. Bu maddi şəraitimizdə heç bir dəyişikliyin sarsıda bilməyəcəyi daxili sakitliyin bizə nə qədər yad olduğunu göstərir.
Reklam