Demək olar ki, indi buna əminəm. İndi həyatın və dünyanın məndən asılı olduğu açıq-aydın görünür. Hətta bir şey deyə bilərəm: dünya yalnız mənim üçün yaradılıb, özümü vursam, heç bir yerdə o, mövcud olmayacaq, yəni ən azından, mənim üçün. Hələ onu demirəm ki, bəlkə, həqiqətən, məndən sonra hamı hər şeyi itirəcək, ağlım, şüurum yox olub gedən kimi dünya da itib-batacaq, kabus kimi heçliyə qovuşacaq. Sanki bunu ancaq mən belə düşünürəm və hər şey əbədilik qeyb olub gedincə, elə biləcəyəm ki, bütün dünya, bütün bu insanlar tək mənim özümdən ibarətdir