Ya Resûllelah dexîl im! Ya Hebîbellah dexîl!
'Umrê taze, min telef kir der-gunah ev çendî sal
Serxweşê nefs û hewa, mustexreqê zenb û delal
Tên nivîsandin li ser min, her se'et sed qîl û qal
Ya Resûllelah dexîl im! Ya Hebîbellah dexîl!
Sayfa 99
Ji Kurmancîyê zêde şîrîn, nîye
Welîkîn xerîdarê çendîn, nîye
Eger min bidîta xerîdarî, qet
Rewan dê me bikra bi teşbîhê şet
Kelamê di Kurdî, bi nezm û wezin
Me bîna wucûdê kîtabê mezin
Ji tenzîmê Kurdî, sual û cewab
Me bînane nezmê hezaran kîtab
Sayfa 9
Hem zenexdan gul hem gulsiye gul ber gul temam
Goşîwarê zer li ser gul nikhetê dildar e gul
Aşiq im wek bilbilê fesla biharê gul bi dest
Lew di nêv camê me wenda gul û dîyar e gul
El eman sed el eman ey meygera gerden xezal
Mehwî bûn xûbanê alem nêzdî yarê çûn qemer
Dûr ji dîdarê hebîbê ketme deryayê keder
Ax û sed efxan ji hicra dilbera ala Fireng
Qût û rûh û quwwetê dil wesletê dildarê min
Sotin û ala muhebbet teb'e min efkarê min
Qubbeyê felekê sota axê ateşbarê min
Zarîyê min, nalayê min tên ji derdê yarê min
Ax û sed efxan ji hicra dilbera ala Fireng
Bê ûmîd im, qelbî neçar im di narê firqetê
Roj û şev ji destê dilber lew dikêşim hirqetê
Nazika şîrîn, kirim mehrûm ji baxê wesletê
Eşkê germ û ahê serdem nade min qet muhletê
Ax û sed efxan ji hicra dilbera ala Fireng
*Hirqet-şewat
*Weslek- Wuslat, gihîştina hev
*Eşke- Hêsir/rondik
Rûyet-sîyeh bad ey firaq, cergê me sota serteser
Herdem bi şewq û îştîyaq, qelbê me kir zîr û zeber
Zîr û zeber qelbê hezîn, daîm bi feryad û girîn
Hem ax û efxan enîn, guhê ezman kirye kerr
*Zîr - Zêrr
Reng kewkebê rûyê sema, eşkan dibarîn her dema
Ger çi dilsozin dil emma, es sebru mîftah-ul ferec
Nalîn dikim wek bilbilan, dûr im ji bêhna sorgulan
Sebr û sikûna bi dilan, es sebru mîftah-ul ferec
...
Bûm serxweşê hicra nîgar, çêbû li dil daxek xeddar
Payîz e, dê bêtin bihar, es sebru mîftah-ul ferec
Yarê şepalê rû bi xal, ew nazika nûrîn cemal
Çi bikim carek neda wîsal, es sebru mîftah-ul ferec
Çi bikim hebîbek zalim e, lê ji neqsan salim e
Axir nekir perwa li me, es sebru mîftah-ul ferec
*Kewkeb-stêrk
*Eşkan- hêstir/rondik
*Neqsan- kêmasî
*Salîm- azade/parastî
*Es sebru mîhtah-ul ferec - sebr mifteya şefaqê ye. (Fecr -sibe, rizgarî, şefaq)
Bûseyek xeddê nîgarê nûqteyek ji xala reş
Nadim ez wellah bi textê şahê Romî û Hebeş
Derdê eşqê te kirin purr îxtîyarek rî sipî
Qurbê atêş weslet û hicra te hem şiddet qewî
Sebrê min nayê ji dilber, nêv lehîba ateşî
Qelbê min şkestî nakit ref û nesba adetî
Ger îzdîham kin li min pênsed herfên nasîbat
Ger muzaffer bim bi wesla dilbera gerdenbeyaz
Her du alem nayê ber çeşmê me qîmet yek peyaz
*Qurb-nêzik
*Lêhîba ateş - Geşbûna ateş/agir
*Peyaz- pîvaz
Işreta yarê bi nazî şukrê aşiq bû nesîb
Şerbet û şem û şerab û qend û saqî bû hebîb
*Qend- Şekir, gezo
Kirim êsîr û napeyda, dîn, şêt, wale û şeyda
Veristim ez ji nav qeyda, wekî mecnûn bi çolê ra
Li çol û deşt û sehrayê, dikêşim wayîweylayê
Ji hukmê hicrê leylayê, bi husn û xeml û zêrra
Bi cavên reş îşaret kir, li min mujde beşaret kir
Welê teyyê îbaret kir, nîşan da me ji xelwê ra
Birim xelwê di nêv suhbet, me noşî badeyê cennet
Ji le'lê yara purr hîmmet 'edem bûm ez bi cûrê ra
Ey qelbê pur-nûr û sefa! Ez-destê yarê ba-wefa
Hingî bixwî cewr û cefa; e's-sebrû mîftah'ul-ferec
Ey dil sebir ke ber-fîraq, "E's-sebrû mîftah'ul-ferec"
Bi wan zulf û bi wan çeşmê xezalî,
Digel ew cîlwe û naz û delalî,
Kirim yexsîr û sewda, laûbalî,
Bi qurban bim bi qurban bim, bi qurban!