Yazı üslubunu sevdiyim Stefan Zweig'in kitablarından bu dəfə "O muydu?" əsərini oxudum , çox da sevdim. İndi isə gələk əsər haqqındakı düşüncələrimə. Əsərdə heyvanların duyğu və düşüncələrindən söhbət gedir,necə ki, bir insan sevir, qısqanır, hirslənir, məyus olur və bunun kimi bir çox duyğuları heyvanlar da yaşayır. Onların insanlardan tək fərqi isə bu duyğuları dilə gətirə bilməmələridir. Biz insanlar nəyəsə məyus olanda ,kədərlənəndə bunu sözlərlə qarşımızdakı insana dilə gətirə bilirik, amma heyvanlar bunu edə bilmir,bunun əvəzinə hisslərini hərəkətləri ilə bizlərə çatdırmaq istəyir. Bəzən bizlər də bu hərəkətlərə anlam verə bilmirik, daha doğrusu anlamaq istəmirik. Çünki "Heyvanın da duyğusu olar axı?"-kimi düşüncələrə sahibik. Gəlin biraz da heyvanları onların dili ilə öyrənməyə,tanımağa, anlamağa çalışaq. Onlar bizim kimi hisslərini sözlərlə ifadə edə bilməsə də ən azından biz onları onların dili ilə anlamağa çalışaq. Çünki heyvanların da hissləri var. Əziz oxucular, heyvanları sevin , onlara diqqət və qayğı ilə yanaşın! :)
