Ailə səadəti elə möhtəşəm və gözəl bir nemətdir
ki, böyük Allah bunu varlığının dəlillərinə nümunə
olaraq göstərir. Xoşbəxt bir ailə sanki cənnət həyatı-
nın kiçik bir nümunəsidir.
Hər keçən gün sayları artmaqda olan küçə uşaqları da modernləşən cəmiyyətlərin bir başqa qanayan
yarasıdır. Modern vəhşi yaşayışın təsirlərindən uzaq
həyatlarını yaşamağa davam etdirmək məcburiyyətində qalan bu uşaqlar düşünülə bilər ki, onlar da
küçələrin təsiri altına elə-belə, səbəbsiz düşməmişlər.
Dr. Murat Çamın araşdırma məlumatlarına görə,
bu uşaqların analarının 96%-i təhsil almayanlardır.
Və yenə bu uşaqların 33%-i ailəsində şiddət olduğu
üçün, 27%-i ailəsi dağılandan sonra, 16%-i isə özləri
işləmək məcburiyyətində qaldığı üçün küçə həyatını
seçmək məcburiyyətində qalanlardır. Cəmiyyətlərin
səfalət göstəriciləri olan bu uşaqlar da, çox əfsuslar olsun ki, şüursuz ailələrin səbəb olduğu bir həqiqətdir.