Bedrîye Topaç, nê kitabê xo de heme hîkayeyanê xo de cinî xo rê kerda babete. Ma eşkenê vajê ke cinîyî hîkayeyanê aye de tim sey karakteranê serekeyan vejîyenê ma ver. Mîyanê şarî de cinî cayê xo senîn girewto, na perse kitabê aye de cewabê xo gêrena. Eke ma hîkayeya ke nameyê xo dayo kitabî yanî Menewşî ra biewnê; na hîkaye bi peynîya xo ya nêpawîyaya wendoxan ser o tesîrêkê girîngî verdena.
