Təkrar edirəm: söhbət qeyri-peşəkarlıqdan gedir. Bu senzura var ha, "+18", filan. Bizimkilər özlərinə söz verib ki, bildi-bilmədi, hara gəldi o "müsbət onsəkkizi" yapışdıracaqlar. Ay kişi, görmüşük, oxumuşuq, araşdırmışıq. Bəsdirin də! Kimsə çimərlik geyimində şəkil çəkdirir, part, "+18"! Kimsə kimisə üzündən öpür, part, "+18"! Başınız işləmir? Səysiz? Girin internetə, oxuyun da. Maariflənin də! Hələ o səy-say başlıqları demirəm. Ən möhtəşəmi isə kişilər tərəfindən üzünə tüpürülməyən xanım jurnalistlər xarici qonaqlara, olsun müğənni, rəqqas, fərqi yoxdu kim, sual verirlər: “Azərbaycan xanımları xoşunuza gəlirmi?" Ay insan, ay şəxsiyyət, necə yəni Azərbaycan xanımları xoşunuza gəlirmi? Nə deməlidir yazıq? Başa düşürəm ki, o xanım özünə kompliment istəyir, qonaq desin ki, "çox gözəldi sizin xanımlar, lap elə sizin kimi". Jurnalist qız da bir az utansın, gözlərini aşağı salsın. İyrənc, iyrənc!