Hakan Yekbaş Sözleri ve Alıntıları
Hakan Yekbaş sözleri ve alıntılarını, Hakan Yekbaş kitap alıntılarını, Hakan Yekbaş en etkileyici cümleleri ve paragragları 1000Kitap'ta bulabilirsiniz...... BU BAĞRIM VEREM SAF SAF
1 Dilim sahrâsına otagını kurdurdı gam saf saf
Yine ceng ü cidâle başladı derd ü elem saf saf
2 Derûn-ı derdimin şerhin degil kâbil kılanı takrîr
Sana bir bir hisâb ile gözüm döksün rakam saf saf
3 Ne çâre yandı cânım sûz-ı 'aşkından nedir tedbîr
Kabûl itmez devâ toptolu bu bagrım verem saf saf
4 Fürû-ser eylemişler bunca 'âşık bende sultânım
Der-i lutfunda ser-gerdân umar cûd u kerem saf saf
5 Kurulsun bezm-i 'işret meclis-i zühdî harâb olsun
O meh-veş sâkîler sunsun şarâb-ı câm-ı Cem saf saf
6 Görüp üftâdelerin nûr-ı cemâlin kaş-ı mihrâbın
Didi Allâhu ekber cümle kıldı re'si ham saf saf
7 Olupdur fethi müşkil bir hisâr etrâf-ı Rûhî'ye
Rakîb-i nâ-sezâlar atdıgı seng-i sitem saf saf
Sayfa 254Kitabı okudu
6. Evvelâ başıma yıkdın dil-i râhat-hânem
Meskenim Kays gibi vâdî-i kühsâr itdin
Sayfa 92Kitabı okudu
.... RÛHÎ GİBİ MEŞHÛR MU YOK ?
1 Bezminizde bilmezem ki mey mi yok mey-hor mı yok
Mest la'l-i lebleri meh-pâreden mahmûr mı yok
2 Gamze-i hûn-hâr elinden görmedim üftâde hiç
Cezbe-i hûb-rû mı yok hûbîlere mecbûr mı yok
3 Şevk u zevk ister nişân-ı ehl-i diller bezmine
Âşinâ-yı mûsikî ney-zen mi yok tanbûr mı yok
4 Meclis-i ehl-i mahabbetde bu etvârın n'ola
Sa'd-sîm sâkî mi yok yâhûd mey-i engûr mı yok
5 Şu'Ie-i şem'i mahabbetler neden bulmuş küsûf
Yoksa baht-ı kevkeb[i] dillerde zerre nûr mı yok
6 Bunca var meh-rû cihân-ârâ müselsel kâküli
Cân virüp her mûyına ber-dâr olan Mansûr mı yok
7 Bilmezem bulmuş neden bâzâr-ı şi'r ehl-i kesâd
Sûk-ı 'aşk içre 'aceb Rûhî gibi meşhûr mı yok
Sayfa 258Kitabı okudu
... GEMİSİNİ FIRTINADAN KURTARAN KAPTANDIR
1 Felek darb-ı sitem sengiyle ahvâlim perîşândır
Şikeste-hâtırım gam kûşesinde zâr u giryândır
2 Penâh olmak bir iş mi sâhil içre 'aşk-ı 'ummandan
Muhâlif bâd öninden kurtaran keştini kapdândır
3 Neden nisbet tutarsın bahr-i 'aşka zâhidâ zühdün
Karanın bahre nisbet intihâsı hod nümâyândır
4 Ne haddi var ki bassun pây-ı agyâr-kûy-ı dil-dâra
Gönül huddâmı tîg-ı âh ile âmâde der-bândır
5 Şükûf-ı sürh gûnı lâle sanma Rûhî kûh üzre
Firâk-ı Leylî'den ol çeşm-i Mecnûn dökdigi kandır
Sayfa 229Kitabı okudu
..... ODUĞUN BİLMEZ
1 Ne güldür gülşen içre bülbülün zâr oldıgın bilmez
Ne bülbüldür ki zârıyla gül âzâr oldıgın bilmez
2 'Aceb dîvânedir pervâne gör seyr-i derûnumda
Sanur şem'i cemâli cân atar nâr oldıgın bilmez
3 Gönül bir tıfl ki benzer şîre -hâr-ı bî-edeb sankim
İder âgâz-ı girye yâr ağyâr oldıgın bilmez
4 Terahhum matlab eyler iltifât ister dilim gûyâ
O şûhun gamzesi cellâd-ı hûn-hâr oldıgın bilmez
5 Kıyâs eyleme ki sûdı sühûletle olur 'aşkın
Nice kim bî-hıredler kâr düşvâr oldıgın bilmez
6 Hemân bir söz ezel 'âşık ile ma'şûkı beyninde
Bir 'aşkdır söylenür dilde ne esrâr oldıgın bilmez
7 Bilür bin derd içün tertîb ider icrâ tabîb ammâ
Hemân bu Rûhî'nin zinde vü bîmâr oldıgın bilmez
Sayfa 232Kitabı okudu
........ HATÂDAN GEÇ
1 Felek hâlim mükedder eyledin cevr ü cefâdan geç
Yeter bîhûde ben za'îf ile gel iddi'âdan geç
2 Tavîl-i 'ömr olursam Nûh gibi mahbûbdan el çekmem
Gel ey nâsıh bana kâr eylemez pend ü recâdan geç
3 Döker hûn-[âb] gözüm bagrım yanar leyl ü nehâr her dem
Yol ugrat bir seher gör hâlimi mihnet-serâdan geç
4 Girüp kana kul öldürmek degildir şânına lâyık
Bagışla cürmümi 'afv it kerem kıl bu hatâdan geç
5 Beni alma ayaga nâzenînim güft-i ağyârla
Sana dirse o dûn-ı bed-likâ Rûhî gedâdan geç
Sayfa 182Kitabı okudu
AYRILIK ATEŞİ YAKARDI VÜCUDUMU GÖZYAŞLARIM YARDIMA GELMESEYDİ EĞER
1 Şeyh-i 'aşkın olalı bende-i dil irşâdı
Oldı tesbîhime ezkâr-ı visâl evrâdı
2 Âteş-i hecr vücûdımı iderdi ihrâk
Gözümün yaşı eger eylemese imdâdı
3 Girih-i zülfine bend olnuş olan tâ-be-haşr
Kesin ümmîdi halâs eylemeniz feryâdı
4 Dilimi ceyş-i girişme ile şeb-hûn her ân
Sen degilsin güzeliın yıkmaga kimdir bâdî
5 Yaraşur zülfüne kim Şâh Hülâgû diseler
Eyledi bende bütün mülk-i dil-i Bagdâd'ı
6 Sanma bî-behre kalur 'ilm-i cefâdan Rûhî
Var iken gamze-i bî-dâd gibi üstâdı
Sayfa 338Kitabı okudu
2.MUHAMMES
8 Nûr-ı çeşm-i Hazret-i Zehrâ iki mâh-likâ
Yâdigâr-ı Haydar-ı Kerrâr-ı şâh-ı evliyâ Kurretü'l-'ayneyn mâ hâzâ'l-hafîdî Mustafâ
Ol Hasan Şâh-ı Hüseyn kim ol şehîd-i Kerbelâ
Mihr ü mâhıdır felekde ol iki cism-i tahûr
Sayfa 127Kitabı okudu
2.MUHAMMES
6 Hâme-i mu'ciz-beyânı oldı bir hüsn-i hasîn
Kıldı tertîb kelâmullâhın âyâtı hemîn
Râbıta buldı anın sa'yıyla bu şer'-i mübîn
Sâlisen 'Osmân hayâ eylerdi andan ins ü cîn
Câmi'ü'l-Kur'ân-ı zi'nnûreyn ol sâhib-şu'ûr
Sayfa 126Kitabı okudu
NA'T-İ ŞERÎF-İ TEŞEKKÜRÎ
1 Ki sensin Hazret-i Hak nâzenîni yâ Resûlallâh
Kim oldun bezm-i lâhûtun yakîni yâ Resûlallâh
2 Senin teşrîfine bu mümkinât bunca mahlûkı
Yaratdı nüh-kıbâbı hem zemîni yâ Resûlallâh
3 Melâ'ikden nice bin hıdmetine eyledi me'mûr
Kodı vahyin içün peyk-i emîni yâ Resûlallâh
4 Yeter bu şâh-ı mürsel oldıgın i'caz 'âlemde
Sayfa 100Kitabı okudu
SAĞLIĞINIZA DUACIYIM
4 Taraf-ı bendeni bir zerre su'âl eylersen
'Ömr-i ikbâl tezâyüdine itmekde du'â
Sayfa 98Kitabı okudu
3.MU'AŞŞER-İ RÛHÎ
5 Bu cevri çekdirirsin Rûhî'ye sen hâh-nâ-hâhî
Sebeb n'oldı eyâ cânım seversen söyle Allâh'ı
Koma 'ukde dilimde kalmasun gam hûbların şâhı
Sana minnet budur terk eyle reftârı bu kej râhı
Bana fevvâre-veş çekdirdin ey şûh yeter âhı
Ne vech ile inandurmuşlar olsalar yüzi mâhı
Cefâ cevr itmegin sa'y ile olmadı dil âgâhı
Yemînin yok bana ey nâzenîn vallâhi billâhi
Beni zannım sana geçdi rakîb-i nâ-sezâ bed-hû
Fenâ bildirdi yâhûd söyledi hakkımda bir kem-gû
Sayfa 148Kitabı okudu
6 Bu 'asrın hûbına mahbûbına nisbet güzellikde
Görenler didi hakka dest ü agzına mutâbıkdır
7 Var iken Rûhî-âsâ bülbül-i şûride-i zârın
Sana ey gonca hayf ol hâra yâr olmaga lâyıkdır
Sayfa 204Kitabı okudu
DEF'İNE BİR ÇARE YOK GİTMEZ BAŞIMIN BELÂSI
1 Olmış 'aşk-ı meh-likâlar mübtelâsı başımın
Def'ine bir çâre yok gitmez belâsı başımın
2 Gökden inmiş bir nevâzil def'-i müşkil bir nefes
Bûy-ı misk-i kâküli sünbül hevâsı başımın
3 İmtihân içün ururlar ta'n taşın her zamân
Ben de bilmem ki nedir cürm ü hatâsı başımın
4 Haylî müddetdir takup zencîr-i sevdâsın sürer
Bilmezem ne vakt olur renc ü rehâsı başımın
5 Gâh atup geh tutarlar lu'betîler tob-veş
Kankı birin söyleyem çok macerâsı başımın
6 Sorma gel benden siyâh ile sefîd-i mûlarım
Zâhire bir gün çıkar ak u karası başımın
7 Rûhî almış âl ü evlâdı şerefden feyzi bak
0l hümâ-çün ne sa'âdetdir nemâsı başımın
Sayfa 269Kitabı okudu
3.MU'AŞŞER-İ DÂ'VET-İ MAHBÛB
2 Serîr-i şevketinden lutf kıl bir dem kıyâm eyle
Gülistân 'azmine ey kadd-i şimşâdım hırâm eyle
Tahayyürde ayag üzre ko kalsun serv nâm eyle
Tolaş her-sûy-ı bâgı nâz ile yüri temâm eyle
Dehânından saçılsun meclise dürler kelâm eyle
Olam kurbân-ı pâyın kalb-i mahzûnum bekâm eyle
Bu nushum tut gönül yap hatrım almakda devâm eyle
Senindir hâne-i beytim [buyur] ârâm-ı şâm eyle
Sa'âdetle bize teşrîf idüp rûh-ı revânım gel
Sana şerh eyleyem sûz-ı dil ü dâğ-ı nihânım gel
Sayfa 149Kitabı okudu