Hakan Yekbaş Sözleri ve Alıntıları
Hakan Yekbaş sözleri ve alıntılarını, Hakan Yekbaş kitap alıntılarını, Hakan Yekbaş en etkileyici cümleleri ve paragragları 1000Kitap'ta bulabilirsiniz.4.MUHAMMES
2 Hıred ehli tecellîden güzel almış selef sırrın
Virüp nâ-ehl eline eylemez dürri telef sırrın
Nice fehm eylesün ehl-i dilin her nâ-halef sırrın
Sebak almış hakîkatden okurlar men 'aref sırrın
Geçüp nefsân râhından ider 'arif anı fârık
Sayfa 129Kitabı okudu
Eyvah
1 Bugün ol meclis-i rindânda dil-dârı gösterdim
Hata itdim ki bir tel kırdım eyvâh yârı gösterdim
Sayfa 284Kitabı okudu
...... BİLİR
1 Çekdigim rüsvâlıgı bî-hadd ol cânân bilür
Cevr ile hoş oldıgım destim benim düşmân bilür
2 Ben ne hâcet likâ-yı şerh [idem] dâğ-ı derûnum 'âleme
Eyleyen nezzâre peyker-zerdimi yârân bilür
3 Ger belâ-yı 'aşk ile ben çekdügümden bilmezem
Tâ ser-â-pâ mâcerâ-yı defter-i dîvân bilür
4 Mürde-i hod-bîn ne anlar câm-ı la'lin kadrini
Câvidânı Hızr olan anlar hayât-ı cân bilür
5 Zâhidâ zünnâra bil baglar nedendir Rûhîyâ
Halka-i zülf-i siyâhı küfrini îmân bilür
Sayfa 228Kitabı okudu
3.MUHAMMES
1 Geldin ey dil bu kühen dâr-ı ribât-ı künde
Tut kulagı dil-i pîrân-ı zamâne pende
Eylemişdi böyle tahrîr okudum her fende
Halka kîn eyleme var ise belâgat sende
Seni zemrn eyleyeni medh ile kıl şermende
Sayfa 128Kitabı okudu
3 Bana her vech ile hem-demlige söz virmiş iken
Bî-vefâ resmini tutdun va'd-i inkâr itdin
Sayfa 92Kitabı okudu
3.MUHAMMES
5 Ehl-i dil cehd ile gelmiş yola gör ey Rûhî
Sende feyz ile sebûnun dola gör ey Rûhî
Yüri var bâb-ı rızâyı bula gör ey Rûhî
Hakk'a tevekkül ü teslîm ola gör ey Rûhî
Özine 'ârif olan kimseye olmaz bende
Sayfa 129Kitabı okudu
Oldı burc-ı şerefe nâ'il-i necm-i Sivasî
Virdi zîb-i fer-i dehre meh-i tâbân geldi
Sayfa 83Kitabı okudu
2.MÜSEDDES
4 Müzeyyen halk idüp nûrun ki esrâr eyledin yâ Râb
İdüp ser-tâc-ı 'âem kendine yâr eyledin yâ Râb
Anın-çün kâ'inât ervâhını var eyledin yâ Râb
Ana ümmet olana rahmet ikrâr eyledin yâ Râb
Eger 'isyânla âlûd-ı sezâ dûzah olursa ten
Ne gamdır yâ rahîmen rahmeten li'l-'âlemînsin sen
Sayfa 137Kitabı okudu
..... FİTNEYE BİR NİYYETİ VAR
1 Yine zülfün meh-i ruhsârına cem'iyyeti var
Zannım el-birlik ile fitneye bir niyyeti var
2 Hâk-i pâyın tûtiyâdır deyü şân virdi felek
Gâlibâ anlaşılan diîdeye hâsiyyeti var
3 Eyle bir hâle yitürdi beni derd-i 'aşkı
Gayretimden gezerim sanma beni sıhhâti var
4 Himmeti pîr-i mugândan güzel almış sâkî
Bu sebeb meclis-i rindânda çok hürmeti var
5 Pertev-i nûr-ı ruhından âfîtâb almasa 'aks '
Âleme bahş-ı ziyâ itmege ne kudreti var
6 Sanur âsânca sever hûbları 'âşık gâfil
Hiç dimez ki bu rehin mühlike bin mihneti var
7 Leylî'nin var ise Kays'ı Şîrîn'in Ferhâd'ı
Sanâ 'âşık olanın Rûhî gibi şöhreti var
Sayfa 222Kitabı okudu
3.MUHAMMES
3 Soyunup elbise-i fahrı dögünmek yegdir
Reh-i 'aşk içre kanâ'atle begenmek yegdir
Kûşe-i 'uzlete fahr ile çekinmek yegdir
Ehl-i 'irfân ile külhanda geçinmek yegdir
Cühelâ ile safâ eylemeden gülşende
Sayfa 128Kitabı okudu