Hakan Yekbaş Sözleri ve Alıntıları - 1000Kitap

......BU GİZLİ BİR BÂZÂRDIR GÖNÜL

1 Ham kılan kaddim ferâg-ı hasret-i yârdır gönül Çekdigim derd ü belâ fi'l-cümle nâ-çârdır gönül 2 Terkini virmek diler 'aşkın tesellî-bahş olur Hûş u meczûbum 'aceb kim gör ne bî-ârdır gönül 3 Kim sever 'âlemde hîç yâr iddi'âda olmasa Bâ'isi yâra muhibb olmaga agyârdır gönül 4 Bir devâ kılmaz kabûl alûde derd olmuş meger Kûşe-i mihnetde inler ehl-i bîmârdır gönül 5 Var iken bagrında baş baş yaralar yüz bin kadar Görmedim dir lutf-ı bî-haddine inkârdır gönül 6 Vir meta'-ı vaslına bu cânı elden al haberi Gayra ızhâr itme bu bir gizlü bâzârdır gönül 7 Seyr içün ruhsârının olmuş esiri zülfine Yok halâsa çâresi Rûhî giriftârdır gönül

Sayfa 275Kitabı okudu

Abdullah GÖNÜLDAĞLI

İLACI YOK DERDİME VEREM DİRLER ( DERLER )

1 Görenler sîne-i çâkîn bihişt-i bâg-ı İrem dirler Dehânı hokka ki ey şûh açılmış gonca-fem dirler 2 Egerçi ben hakîri görmege teşrîf idersen sor Gam-ı kûyında nam-ı hâneme dâr-ı elem dirler 3 Koyam başım rehinde bas çıka cânım ne devletdir Anınla fahrim olsun yâr kurbân-ı kadem dirler 4 Alup gözden mürekkeb kilk-i müjgânım icâd itdi Hıred ehli anın ismine defterde rakam dirler 5 Su'âl itdim suturlâb ehline baht-ı siyâhımdan Belâ burcında necm-i tâli'in gayetde kem dirler 6 Mu'âlicler urup el nabzıma anlar 'ilâcım yok Felâh olmaz seni almış gider derd-i verem dirler 7 İdince gûş nazm u şi'rini Rûhî harîdârlar Dil-i gencîne-i dürr-i sadef râzına yem dirler

Sayfa 205Kitabı okudu

Reklam

Abdullah GÖNÜLDAĞLI

BEN DE OLMUŞAM BENDE ( KÖLE )

1 Gönülde nakş olan cânâna ben de olmuşam bende Güzellerde 'ulüvv-i şâna ben de olmuşam bende 2 Âristo arz kılına hâcetim bak gayrı eczâya Devâ-yı derd ider Lokmân' a ben de olmuşam bende 3 Züleyhâ'nın taşını dergeh-i şah eyleyüp âhir Melâhat mülk-i Mısr akrâna ben de olmuşam bende 4 Tarîk-i 'aşk içinde her bir 'âşık bendelik tutmuş Cihânda misli yok bir cânâ ben de olmuşam bende 5 Ne mümkin terk kılmak Rûhî bâr-ı 'aşk-ı düşvârın Rehinde cân virüp merdâne ben de olmuşam bende

Sayfa 312Kitabı okudu

Abdullah GÖNÜLDAĞLI

6ay

İdem ez zulm u ta'addî güle zâg-ı siyeh 'Adl ile bülbül-i hoş-nâtık u elhân geldi

Sayfa 83Kitabı okudu

Abdullah GÖNÜLDAĞLI

3.MUSEDDES - MERSİYE

1 Nezâketle perî-peyker 'âceb fende revân itdin Cemâlin nûrını gün gibi gözlerden nihân itdin Leb-i la'l-i hayâlinle gözüm yaşını kan itdin Tahayyürde bırakdın hâl-i 'uşşâkı yaman itdin Yitürdün âsumâna dûd-ı âhım kehkeşân itdin Hümâ-yı gönlüm aldın 'azm-i evc-i âsumân itdin

Sayfa 138Kitabı okudu

Abdullah GÖNÜLDAĞLI

5 Çü kemter Rûhî âl-ı nefs elinden kurtar it iflâh Tutuşmuş dâğ-ı hasretden bula derd-i dil[i] ifrâh Ümîdim var ki eyler hâne-i şeb târımı mısbâh Şükür meftûh-ı bâb-ı rahmete nâmın iken Fettâh Eger 'isyânla âlûd-ı sezâ dûzah olursa ten Ne gamdır yâ rahîmen rahmeten li'l-'âlemînsin sen

Sayfa 138Kitabı okudu