İbrahim Şahin Sözleri ve Alıntıları
İbrahim Şahin sözleri ve alıntılarını, İbrahim Şahin kitap alıntılarını, İbrahim Şahin en etkileyici cümleleri ve paragragları 1000Kitap'ta bulabilirsiniz.
Dema berê xwe bide welatê xerîb û xerîbistanê
Ez ê cotê reş guliyê xwe jêkim
Ji hespê pismamê xwe ra bikim doxhefsar e
Xizêma pozê xwe bikim bizmar e
Kembera pişta xwe bikim nal e
Dema bikeve nav heval û hogirên xwe de
Bila kes nebêje Genc Xelîl kurmanc e
Kurmancekî bêpergal e
Min digot qey tu mêr î, tu camêr î
Min got: Kotiyê mêra ne li mal e
Tu yê şeva îşev bişkînî cam û camekana
Şûşe û pencera zirza derî
Şeva xwe li nav taxima sîng û berê min esmerê da bibihêrî
Min nizanî tu ne mêr î, ne camêr î
Tu ji miskînê heramê mêrê min newêrî
Rûpel 311
Emrê min sed û yek sal be
Çend têlên spî li çena min peyda be
Heya dinya xweş ava be
Ez ê wax bikim ji bona te ye
Ez ê ji te ra bi Horyan Baba kim
bi Gurgur Baba kim
bi Uryan Baba kim
bi Gozel Baba kim
Dede Mexsût, Dede Mirad kim
Ocaxa ewdê Bilîsê kim
Mala Hecî Heyderî Kêrsê kim
Şêx Ehmedê Amasiyê kim
Bi Seydayê Taxê kim
Şêx Eliyê Paliyê kim
Şêx Şabedînê ewdê Diyarbekirê kim
Ocaxa erdê Xirtê kim
Şêxê Çoxreşiyê kim
Mala Seydayê Nêhriyê kim
Şêxê Tiloyî kim
Şêx Eşûrê Erebî ewladseyîd ê dostê Xwedê kim
Şêx Badînê ewdê Dignûgê kim
Şêx Evdila şêxê Milazgirê kim
Bi ocaxa Şêrwêranê, Gogoxlanê, Qizqapanê
Şexsan û zaretê serê Kosedaxê, Gilîdaxê, etegê Sîpanê kim
bi Încîla Îsa kim, bi Tewrata Mûsa kim bi Zebûra Dawid, bi Qurana ser çokê Mihemed Mistefa kim
Eger tu yê têyî were, gava tu nayê herçî sondê min sond xwarine
Berxê temamî xenîmê can û bedenê te û dê û bavê te bin
Kubara Şîşman
Ez çi bikim vê sibengê heval û hogir, min dikenin
Dibêjin dosta te xirab e malxirabo şîşman e
Girêdana kembera zêr û zîvîn li bejnê nayê
Ez ji we ra sond bixwim bi sonda qesemê, bi navê Quranê, bi dîn û îmanê, bi telaqê jinberdanê
Dayîka donzdeh dergûşan be
Gulîkî wê reş be yek spî be
Heya sax bim li dewrana dunyalika derewîn
Ez ê ji xwe ra wax bikim gidîno gelo ne ez dimirim li dunyayê
Rûpel 295
Bi destê bavê Şêx Eli Riza şêxê îrşadê
Dîrega dînê Îslamê Teyrê Îspirî¹ girtiye
Li suka bajara Diyarbekir û
Sed siwarê bir ber daraxacê
Dusid suwarî dane destê Huruman û Tatan û Lazan
Serê van şêxan û murşîdan ji xwe ra bi balta jêkir nemînim
Rûpel 67 | 1 Teyrê Îspirî: Şêx Seîd
Bi gotinê alim û kitêba dibê:
Herçî kesê gulleya ûris pêra lêkeve
Xalis şehîd e, şik û şubhe ji bonê tune.
Rûpel 75
Zozanê me Serhedê
Meriv konê xwe dayne
Çadira xwe biçikîne
Çend rojeka mêvanê nava taxima sîng û berê Qazê da bisekine
Lezetê ji bedena xwe bibîne
Jin jêderka herî mezin a dengbêjiyê ye. Kultura Kurdan di bîr û hişê jinê de dewisandî ye, veşartî ye. Kultura Kurdan di bîr û hişê jinê de di kurkbûyinê de ye û di şert û mercên guncav de aj dide. Kesê ku xwedî alet hacetê wejêyî di desta de ye dikare ji vê kurkmayinê berhemên bedew û edebî derxîne.
Rûpel 27
Xwezila miskîn û heramê mêrê te bimira,
Kevnajina min bi ser da
Em ê biçûna welatê xerîb û xerîbistanê
Bira kesekê me nasnekira
Dengbêj Şakiro dema 6-7 sali bûye li Cemalvêrdiyê ew û kekê wî Salih demançeya bavên xwe bi dizî ji mal hildigirin û pê dilîzin. Kekê Dengbêj Şakiro, Salih jî bi qesta listikê berê demançê dide wî û berdidê. Ji diranê kursî yek dipeke aliki çeneya wî birîndar dibe, gule di alîkî sîngê wî de dimîne. Piştî birina ser doxtor û tedawîkirinê baş dibe. Xalis Begê kurê Evdilmecid Begê ji bo tedawîkirina wî hewlek balkêş dide. Lê ev bûyer li ser Dengbêj Şakiro bandoreke mezin dihêle. Heta dawiya temenê xwe bi awayê kuxikê lê der dibe.
Rûpel 34
Gelo fenanî belekiya berfa qûntara çiya yî
Na wele malxirabê
Tu çîçeka rexê vê belekiyê yî
Min sond xwarî bi sonda qesemê
Terka delaliya dilê xwe nakim
heyanî navê min û delaliya dilê min
bi hev ra dernekeve li bajara vê Edenê
r.141
Şerê Selanîkê
Keko Selanik, Çetelcê, Edirne, Isqudred, Iskod
Ji xwe ra mabû li mehserê ye
Bavo emelyan e
Xwedyê emelya ne bav e, ne bira ne ne kes e, ne xwedî ye, ne guman e
şer û şerê bi sungiya ne
Tirka namûs firotiye bi peran e
Sêr bike li cinyazê lawê bavan e
Musulman di nava gawir û ejnebî da bêxwedî mane
Gumana me li jorê ji Xaliqê Alemê Rebê Jorîn mîrê mîran e.
Li jêrê pênsid jinê Lazan e
Zendê spî çîl û qerqaş hildane
Dişon cinyazê şehîdan û xaziyan e
Misilmana derdixin ji nav duwalê gawir û ejnebiyan e
Bîst û çar saeta ber dînê xwe da canê xwe feda dane
Rûpel 79
Li ba kurdan Lades - Yadest - Cinaqşikandin
Mesela kew û dîk û teyran da cinaq¹ heye. Tînin ewî cinaqî du mirov dikişînin û dişkînin. Êdî ew her du mirov her çi yek mesela fîncana qehwe, fêkî an jî tiştekî bide destê mirovê din gerek ev şert her dem di bîra wan da bimîne.
Ew mirov ku mesela hevalê wî tiştekî bidê, gava ew ji dest bigire divê bibêje ku "min li bîr e". Ger ji bîr bike û nebêje, ew mirovê ku tiştek dide destê hevalê xwe, dibêje ku "yadest" an jî "şertik". Ger ewî wilo got, ewî şert ji hevalê xwe biriye.
cinaq: hestû - hestiya ladesê