Ömer Güneş İletileri
Ömer Güneş iletilerini, Ömer Güneş okur görüşlerini 1000Kitap'ta bulabilirsiniz.
Ez çıbkım xeder yaziki bı illahiye
Geli gundi cinarno , gili gazil û loma
Ji dile minin rezil nekın. 
Dengbêj Şakiro - Antolojiya Dengbêjan 2
Şakiro
Ez nikarim evîna dilê xwe yê rezîl ragirim, hey bêçare.
Ey zalim giliyê xwe neke, parsekiyê neke û aciz nebe.
♡Ez sond dixwim, ez sed xencer bixwim jî, ez ji milê te, ji berika te ranabim.♡
Rezil yüreğimin aşkına kıyamıyorum ki, hey çaresiz.
Ey zalim şikayet etme, yalarışta bulunma ve alınma.
♡And içerim, yüz hançer yesemde kalkmam yanından, yamacından.♡
Dengbêj Şakiro - Antolojiya Dengbêjan 2
Serhildana Geliyê Zîlan
Heya Dunya xweş ava be gelo vê sibengê emê ji xwe ra bigerin
li Zorava li Mala Hecî Mistefa
ez ji te ra sond bixwim vê sibengê tim û tim cara sax be
li serê çolan û çiya be
heya fermana me li qanuna Tirka da rabe
ez ji te ra sond bixwim vê sibengė
ez dizanim heya sax û silamet bim di nava eşîrê da vê sibengê
derd û
Dilber te çavreşê çavê reş bela ne
Dilber te çavreşê çavê reş bela ne
zerî te çavreşê çavê reş bela ne
ezê bi xulama wan çav û burya
kilê subhanê bi zêra ji çavê reş û belek ra tim derman e
gelek camêra sebebê bejna zirav, çavê reş û belek
îro bi destê jinê xwe girtin ji mal derxistin ji xwe berdane
...
Dengbêj Reso
Antolojiya Dengbejan-1
Bêrîvana Mala Mezin
Eman eman eman...
eman eman bêrîvanê
hewar Xwedê gelo bêrîvanê
Te şêrînê gelo kulîlka nava qizanê
Malxirabê te êmîşê nav dikanê
Qewala ser zar û zimanê di xortanê
Wey mereqa dilê kalan û pîranê
Qolê zêra kutabû ber kofîka vê kitanê
Berxê gidî ew sozê te do vî çax ji mi ra dabû
Gidiyê gelo qewl û qirar kanê
Eman eman eman eman bê bêrîvanê.
Dengbêj Şakiro
Dengbêj Şakiro - Antolojiya Dengbêjan 2
BI HESABÊ HESABDARA
De lê lê gewrê hesabdarê welatê me hesabê xwe şaş kirin
bi hesabê hîvê tu sêr bike îro sê roj ji xwe ra çûyê ji havînê
sebrê tu sêr bike bira Xaliqê Alemê van sal û zemanê xirab da
merû neke tora te sêrbazê, te qecerê, dilbikulê, derewînê
ew çi bêbextî bû ji gavê din da di gundê xirav da
te derbekî xençerê li serê dilê mi daye
tu Hekîmê Loqman ji ax û berê sar tu rakî
ez ji te ra sond bixwim tu cara nabîne kew û melhema hê vê birînê
gidiyê gelo tu rabî cîkê mi daynî li banê qesrê li bircê kelê
hewû rebenê gelo li ber pencerê hê li şaneşînê
berxê bi desmala ser destê xwe li ser çavê mi bike bangê hê baweşînê
sebrê hinga ez dizanim dêrisê gunda da mi ji xwe ra vê sibengê dîtibû
gidiyê gelo kew û melhema hehû rebenê hê vê birînê
...
Dengbêj Şakiro
Dengbêj Şakiro - Antolojiya Dengbêjan 2
DELÊL
Delal le hayê hayê wayê ax hayê
Delêl ez bi qurban sibe bû mi ji te ra nego dêr e
bi min dêr e
Xeyêlo dêr e bi min dêr e
çêkirina Mêrdînê li pozê zinêr e
rasta Ûrfayê cîkî şêr e,
kaviliya Qerejdaxê mexelê pezê sorê nêr e
Delêl ji malê siwar bû, siwarê seglawî nêr e
pozê wî malxirabî bilind e tu cara ne berjêr e
mi dî bêxwediyê
Asyayê - Şerê Li Hewşa Emir Tûman
...
Ferzende bi sê denga bang dikir Besrayê rebenê
agirê kulê li mala bavê ketê
eva ne şerê Hesenan e
ne şerê Cibiran e
ne şerê heft bavê eşîran e
va şerê kafirê Emir Tûman e
ladînê bêdînê û bêîman e
suûda mi naşixule
ez bi du gulê tomatîka vî kafirî birîndar im milê mi ranabe
li ber çavê mi welgerandine cinazê Silêmanê Ehmed, Keremê Qolaxasî
...
Dengbêj Reso
Antolojiya Dengbejan-1
Destan
KEJA MÎRÊ PALO Û SALIHÊ KURÊ MÎRÊ BERÊZ
bawer bike Keja Mîrê Palo bînbaşiya qîzan û bûka
çît û perde Herranî çengelî zêrîn bi ser kon da werdigerîne
gava ku meriv Kejê dibîne
vê sibengê lêvê tenikê kaxitî ne
diranê hûr i mircanî ne
serê memkan i sor e binî spî ne
sûretê sor i sosinî ne
çavê reş e kildayî ne
biriyê tenik û qeytanî ne
fenanê benda quruxê ye
diranê hûr i fenanê heba mircanê ye
lêvê tenik i fenanê kaxitê Melesiyê ye
mewûja reş bixwe hetanî ser kêrtikê kemberê
bedena wê da dixuyêye
Dengbêj Şakiro
Dengbêj Şakiro - Antolojiya Dengbêjan 2
Destan
KEJA MÎRÊ PALO Û SALIHÊ KURÊ MÎRÊ BERÊZ
go misafiro serê mi bi heyran canê mi bi qurban
tu were vê sibengê Pîrka xwe li dora lingê xwe bigerine
Keja Mîrê Palo binbaşiya qîzan û bûka
Çît û perdê Heranî çengelî zêrîn bi ser kon da diqelibîne
destê xwe ji min ra dihejîne
min hetanî ba xwe tîne
go here ji mîvanê xwe ra bêje
çika bi xwe seglavî bîne li hêşya konê mala bavê mi bitewlîne
çika siwar layiqê hespê ye gelo layiq nîne
de siwaro de bajo lê
Dengbêj Şakiro
Dengbêj Şakiro - Antolojiya Dengbêjan 2
Têlî
Têlî heyran êvar e ro li ava mexrebe ye
Tu rabe derdê xelkê mal û hal û temelikê
dunyalikê
Çavê mi li jorê li rehma Xwedê ye
Berxê tu sêr bike li jêrê ji xwe ra li sîmayê lingê te ye
Heft xwûnê me li ser mala bavê te hebû
Te ji bona yek ramîsanekî danê esrê kir berdêlî
Dengbêj Şakiro
Dengbêj Şakiro - Antolojiya Dengbêjan 2
Keja Mîrê Palo û Salihê Kurê Mîrê Berêz
Kejê dibê de were de re de were...
naziko de were, mêrxaso de were
palîwano de were
vê sibengê malxirabo dilê mi dibêye
tu rabe lêvê mi tenik i fenanî kaxitê Melesiyê ye
diranê hûr i fenanê heba mircanê ye
sûretê mi sor e fenanî heba hinarê ye
çavê mi reş û belek i fenanê benda quruxê ye
Dengbêj Şakiro
Dengbêj Şakiro - Antolojiya Dengbêjan 2
Bozanê Lawê Pîrê
Lo lo Bozanê lawê Pîrê ye
ezê çi bikim şevê li çiyê royê li deştê ye
serê sibê Bozanê lawê Pîrê derketî serê çiyê
bala xwe dayê li hêşyê
di nava êlê û ebrê bû qêrîna defê û dawetê ye
rabû lingê xwe kiribû rikêfê
berê xwe dabû nava êlê û ebrê ye
bala xwe dayê govendeke digere zerîkî ketî serê sergovendê
pêjgirekî herîrî di desta da tê û diçe
sêsid û şêst û şeş dil diketin bejnê ye
Xweda Rebiyo mewûja reş bixwe li kêderê ye dixuyê ye
delal delal delal tu berxa min î can î can
...
Dengbêj Reso
Antolojiya Dengbejan-1